| e-texts navigator |
| Wylie |
37b1 ཐུན་ཆོད་ཕྱི་མ་ལ་ལྷ་དེ་ཉིད་གྲུབ་པའང་བཀའ་སྩལ་བར་འགྱུར་རོ།། གལ་ཏེ་མི་གསུང་ན་ཉི་མ་ཕྱི་མ་ལ་དེ་བཞིན་དུ་མཆོད་པའི་ཚོགས་བཅོམ་ལྡན་འདས་སྤྱན་དང་ལྷན་ཅིག་པ་མཆོད་དེ། སྔ་མའི་མ
37b2 ཏོག་ལ་བརྒྱད་བརྒྱ་ཡོངས་སུ་བཟླས་ལ་ཕྱོགས་བཞིར་གཏོར་ཏེ། ཇི་སྲིད་གཉིད་མ་བྱུང་བ་དེ་སྲིད་ཀྱི་བར་དུ་བཟླ་བར་བྱའོ།། ངེས་པར་གསུང་བར་འགྱུར་རོ།། དེ་ནས་ཐེ་ཙོམ་མེད་པར་སླར་ཡང་སྔར་བཤད་པའི
37b3 ཆོ་ག་བཞིན་དུ་གསང་སྔགས་ཆེན་པོ་འབུམ་ཕྲག་གསུམ་དང་སྟོང་ཕྲག་བརྒྱད་བཟླ་བར་བྱའོ།། དེ་ནས་སྦྱིན་སྲེག་གི་ཆོ་ག་ནི་མངོན་སྤྱོད་ལ་སྟེགས་བུ་གྲུ་གསུམ་པའོ།། རྒྱས་པ་ལ་གྲུ་བཞིའོ།། ཞི་བ
37b4 ལ་ཟླུམ་པོའོ།། སྒྲུབ་པ་ཆེན་པོ་ལ་པདྨའི་རྣམ་པའོ།། དབང་དུ་བྱ་བ་ལ་ལྕགས་ཀྱུའི་རྣམ་པའོ།། རིག་པ་དང་ལྷན་ཅིག་ཏུ་དྲི་ཞིམ་པོའི་མེ་ཏོག་དང་ཡམ་ཤིང་བསྲེག་པར་བྱའོ།། མངོན་སྤྱོད་ལ་དུར
37b5 ཁྲོད་ཀྱི་ཤིང་ལ་ཚ་བ་གསུམ་དང་། སྐེ་ཚེ་དང་། ཡུངས་ཀར་དང་། ལན་ཚྭ་དང་། ཐལ་བ་དང་། ཁྲག་ལ་སོགས་པས་ཁྲོ་བོ་ལ་སྲེག་ཐུགས་བྱའོ།། ཞི་བ་ལ་སྨན་གྱི་ལྗོན་པའི་ཡ་མོ་ཤིང་གིས།
37b6 སོ་རྒྱས་པ་ལ་འོ་མ་ཅན་གྱི་ཡམ་ཤིང་གིས་སོ།། ཞི་བ་ལ་མེ་ཏོག་དང་དྲི་དཀར་པོས་སོ།། རྒྱས་པ་ལ་མེ་ཏོག་དང་དྲི་སེར་པོས་སོ།། མཛན་སྤྱོད་ལ་མེ་ཏོག་དང་དྲི་དམར་པོས་སོ།། དཀོན་མཆོག
37b7 གསུམ་ལ་ཕྱག་འཚལ་བ་དང་ལྡན་པའི་སྔགས་ཀྱིས་ཐུན་གསུམ་དུ་ལས་བྱའོ།། སྒྲུབ་པ་ཆེན་པོ་ལ་དཀོན་མཆོག་གསུམ་ལ་ཕྱག་འཚལ་བ་དང་ལྡན་པས་ལས་བྱའོ།། ཞི་བ་ལ་སྐྱིལ་ཀྲུང་གིས་སོ།།
iiif viewer powered by OpenSeadragon
