| e-texts navigator |
| Wylie |
99b1 ལྡན་གྱི་གནས་ན་བཞུགས་ཏེ། བྱང་ཆུབ་སེམས་དཔའ་བྱམས་པ་དང་། འཇམ་དཔལ་ལ་སོགས་པ་དཔག་ཏུ་མེད་པ་དང་། ཀུ་རུ་ཀུལླེ་དང་། རི་ཁྲོད་མ་ལོ་མ་ཅན་ལ་སོགས་པ་དང་། ཚངས་པ
99b2 དང་བརྒྱ་བྱིན་ལ་སོགས་པ་དཔག་ཏུ་མེད་པ་དག་གིས་ལྷ་རྫས་ཀྱི་མེ་ཏོག་པདྨ་དང་། ཀུ་མུ་ད་དང་། མན་ད་ར་བ་ལ་སོགས་པ་ལྷ་རྫས་ཀྱི་མེ་ཏོག་དཔག་ཏུ་མེད་པ་དག་དང་། དུང་དང་། པི་ཝང
99b3 དང་། རྔ་དང་། རྫ་རྔ་དང་། དགུ་པོ་རྒྱུད་མངས་ལ་སོགས་པ་ལྷའི་རོལ་མོ་དཔག་ཏུ་མེད་པ་དང་། ལྷའི་གདུགས་དང་། རྒྱལ་མཚན་དང་། བ་དན་ལ་སོགས་པ་དཔག་ཏུ་མེད་པ་ཐོགས་ཏེ།
99b4 བཅོམ་ལྡན་འདས་ལ་གཡས་ཕྱོགས་ནས་བསྐོར་ཏེ་མཆོད་པ་སྣ་ཚོགས་ཀྱི་མཆོད་པའི་སྤྲིན་གྱིས་མཆོད་དོ།། དེ་ནས་བཅོམ་ལྡན་འདས་ཀྱིས་ཕ་རོལ་གྱི་སྡེ་རབ་ཏུ་འཇོམས་པ་རྡོ་རྗེ་ལྟ་བུ་ཞེས་བྱ་བའི
99b5 ཏིང་ངེ་འཛིན་ལ་མཉམ་པར་བཞག་སྟེ། བཞག་མ་ཐག་ཏུ་ཡང་ས་ཆེན་པོ་གཡོས། བདུད་ཀྱི་དཀྱིལ་འཁོར་ཡང་འཕམ་པར་བྱས་ཏེ་འོད་ཀྱི་སྣང་བ་ཆེན་པོའང་བཀྱེའོ།། དེའང་འདི་ལྟ་སྟེ། དཀར་པོ
99b6 དང་། དམར་པོ་དང་། སེར་པོ་དང་། ལྗང་ཁུ་དང་། མཐིང་ཁ་དང་། འདྲེས་པ་སྟེ། འོད་སྣ་ཚོགས་བཀྱེ་སྟེ། སྡུག་བསྔལ་དང་བཅས་པ་རྣམས་སྦྱངས་ཏེ། སངས་རྒྱས་ཐམས
99b7 ཅད་ཀྱི་ཡུམ་སྒྲོལ་མ་ཀུ་རུ་ཀུལླེའི་གཙུག་ཏུ་ནུབ་པར་གྱུར་ཏོ།། གཙུག་ཏུ་རུ་བ་མ་ཐག་ཏུ་མཆོད་པའི་སྤྲིན་གྱི་ཆར་པའང་བབ་པར་གྱུར་ཏོ།། དེ་ནས་ལྷ་མོ་དེ་དཔེར་ན་སྤྲིན་དང་བྲལ་བའི་ཉི་མའི
iiif viewer powered by OpenSeadragon
