| e-texts navigator |
| Wylie |
53a1 ཤ་ཏ་པྲ་སེ་ཀ། ཨ་བ་བྷ་སི་ཏཱ་མ་ཧཱ་བི་ཥ་ཤ་མ་ཀ། མ་ཧཱ་བོ་དྷི་སཏྭ་བ་རང་སྭཱཏྨ། བཅོམ་ལྡན་འདས་ལག་ན་པདྨའི་ལུས་ཀྱི་དབྱིབས་མཛེས་ཞེས་བྱ་བའི་གཟུངས་བྱང་ཆུབ
53a2 དཔའི་ཁང་བཟང་དམ་པ། རྡོ་རྗེ་ཆེན་པོས་ལེགས་པར་གསུངས་པ། ལྷ་དང་། ཀླུ་དང་། སྦྱིན་བྱེད་མའི་བུ་དང་། མི་འམ་ཅི་དང་། ལྷ་མ་ཡིན་ཆེན་པོས་བསྟོད་པ། རེ་བ་ཐམས་ཅད་ཕུན་སུམ་ཚོག
53a3 པར་བྱེད་པ་འདི་སྒྲིབ་པ་ཆེན་པོས་བསྒྲིབས་པ་གང་ལ་ལ་ཞིག་ཉན་ཏམ། འཆང་ངམ། འདོན་ཏམ། ཀློག་གམ། མཐོང་ནས་ལེགས་པར་རྟོགས་པར་བྱེད་ན། དེའི་ལས་དང་ཉོན་མོངས་པའི་སྒྲིབ་པ
53a4 ཐམས་ཅད་ཡོངས་སུ་བྱང་བར་འགྱུར་རོ།། ནང་པར་ལངས་ནས་ལན་ཅིག་འདོན་ན་ལག་ན་པདྨ་ཕྱིར་འབྲང་བར་འགྱུར་རོ།། ཡིད་ལ་གང་དག་འདོད་པའི་དགོས་པ་བསམ་པ་ཙམ་གྱིས་འགྲུབ་པར
53a5 འགྱུར་རོ།། གཅིག་པུ་རབ་ཏུ་དབེན་པར་འདུག་སྟེ། སངས་རྒྱས་ཡིད་ལ་བྱ་བ་མངོན་དུ་དམིགས་ནས། བཅོམ་ལྡན་འདས་ལ་ལག་ན་པདྨ་རྗེས་སུ་དྲན་པར་བྱས་ལ་ལན་བདུན་བརྗོད་ན་དམ་པ་ཅི་འདོད་པ
53a6 ཐོབ་པར་འགྱུར་རོ།། སེམས་ཅན་ཐམས་ཅད་ཀྱི་ཡིད་དུ་འོང་བར་འགྱུར་རོ།། དེའི་ངན་འགྲོ་ཐམས་ཅད་འགག་པར་འགྱུར་རོ།། ཡུད་ཙམ་ཞིག་འཆག་ཅིང་འདུག་ལ་ཡིད་ལ་བརྗོད་ན་བསྐལ་པ་བྱེ་བ་འབུམ
53a7 ཕྲག་དུ་མར་བསགས་པའི་ལས་འབྱང་བར་འགྱུར་རོ།། འཁོར་ལོས་སྒྱུར་བ་སྟོང་གིས་བསགས་པའི་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ།། ཚེ་རབས་ཚེ་རབས་སུའང་པདྨའི་རིགས་ཆེན
iiif viewer powered by OpenSeadragon
