| e-texts navigator |
| Wylie |
48b1 འདོམ་གང་རབ་ཏུ་འབར།། གསེར་གྱི་རི་འདྲ་གྲགས་པས་ཁྱབ།། གཟི་བརྗིད་དག་ཀྱང་རབ་ཏུ་ཆེ།། ཤར་གྱི་རི་ལ་འཆར་བ་ཡི།། ཉི་མའི་གཙུག་ཏོར་དག་དང་ལྡན།། ནོར་བུ་རིན་ཆེན་འབར་བ་ཡིས།། སེ།
48b2 རལ་ཁར་ནི་སྐུ་ཕྱེད་བརྒྱན།། ས་དག་ལ་ནི་རབ་ཏུ་མཁས།། ཕ་རོལ་ཕྱིན་པ་བཅུ་རྣམས་སྤྱོད།། ཚུལ་ཁྲིམས་མ་ཉམས་རལ་བ་མེད།། མཐོན་ཀ་སེང་གེའི་རལ་པ་འདྲ།། སྐུ་ནི་འཇམ་ཞིང་ལྡེམ་བག་ཅན།།
48b3 གཟིགས་ཤིང་གཤེགས་པ་ཁྱུ་མཆོག་འདྲ།། གཡས་སུ་འཁྱིལ་བའི་དུང་ཡང་འདྲ།། དཔྲལ་བ་ཟླ་བ་ཁམ་པ་འདྲ།། དཔྲལ་བའི་དབྱིབས་ཀྱི་རྒྱ་ཡང་ཆེ།། སྨིན་མཚམས་པར་ཡང་ཡོང་མ་ཆད།། ཤ
48b4 ཀྱི་དབྱིབས་ཀྱང་ཅུང་ཟད་མཐོ།། མགུར་ཡང་བུམ་པའི་མགྲིན་པ་འདྲ།། དཔུང་པ་དག་ཀྱང་རབ་ཏུ་ཟླུམ།། ཕྱག་སོར་རྣམས་ཀྱི་ཚིགས་ཀྱང་རིང་།། སོར་མོ་འཇམ་ཞིང་ཅུང་ཟད་དམར།། ཕྱག་སོར་རྣམས
48b5 ཀྱི་བར་འབྲེལ་བ།། ཕྱག་དང་ཞབས་ཀྱི་མཐིལ་རྣམས་ལ།། འཁོར་ལོ་དག་གིས་རབ་ཏུ་བརྒྱན།། སྟོན་ཀའི་པདྨ་འདྲ་བར་མཛེས།། སྐུ་མདངས་འཇམ་ཤིང་ཤངས་ཀྱང་རྒྱས།། གསུང་ནི་ཚངས་པའི
48b6 དབྱངས་ལྟར་སྙན།། ཡིད་དུ་འོང་ཞིང་དགའ་བར་འགྱུར།། བལྟ་ན་སྡུག་ཅིང་མདངས་དགའ་བ།། པདྨ་ལས་འཁྲུངས་པདྨ་འདྲ།། པདྨ་དག་ལས་ཀུན་ཏུ་སྐྱེས།། པདྨ་དག་གི་གདན་ལ་བཞུགས།། ཕྱག་ན
48b7 པདྨ་བཟང་པོ་བསྡམས།། རིམ་པ་སྤྱི་ཐུགས་ཕྱག་ན་བསྡམས།། ཁྲི་སྙན་ས་ལེའི་པགས་པ་མན་བས།། དབྱུག་པ་དང་དེ་བགྲང་འཕྲེང་འཛིན།། བཀྲ་ཤོས་དག་གིས་གཙང་མར་གྱུར།། སྔ་ནས་གསུང
iiif viewer powered by OpenSeadragon
