| e-texts navigator |
| Wylie |
41b1 བདུག་པ་དང་། སྤོས་དང་། འཕྲེང་བ་དང་། ཕྱེ་མ་རྣམས་ཀྱིས་མཆོད་ནས། མཎྜལ་རེ་རེ་ལ་གཟུངས་ལན་བཅུ་གསུམ་བཅུ་གསུམ་གྱི་བར་དུ་བཟླས་ལ་ལྕི་བ་དེ་བསྡུས་ཏེ། ལྕིབ་ལྷག་མ་ལ་བསྔགས
41b2 ཤིང་ནང་པ་ལ་བླུགས་ན་ནད་ཐམས་ཅད་ཉེ་བར་ཞི་བར་འགྱུར་རོ།། ལྷ་དང་ཀླུ་ལ་སོགས་པའི་དུག་གི་ནང་ཐམས་ཅད་ཞི་བར་འགྱུར་རོ།། ཞག་ཉི་ཤུ་རྩ་གཅིག་ལ་གྲུབ་པར་མ་གྱུར་ན། འཇམ་དཔལ
41b3 ཐུགས་རྗེ་ཆེན་པོ་ཉིད་ཀྱིས་མཚམས་མེད་པ་ལྔའི་ལས་བྱས་པ་ཡིན་ནོ།། འཇམ་དཔལ་ཐུགས་རྗེ་ཆེན་པོ་ཉིད་ཀྱིས་དམ་བཅས་པའི་ཚིག་གོ།། འཇམ་དཔལ་རྒྱལ་པོ་ཆེན་པོའི་གནོད་པ་ནི་གཟུངས་འདིས
41b4 སྙིང་ནད་འབར་བ་ལས་གྲོལ་ནས་སྐྱེ་བ་ཕྱི་མ་ལ་བདེ་བ་ཅན་གྱི་ཞིང་ཁམས་སུ་སྐྱེ་བར་འགྱུར་རོ།། འཇམ་དཔལ་ཉོན་ཅིག། སངས་རྒྱས་འོད་དཔག་མེད་ལ་སོགས་པ་སངས་རྒྱས་བྱེ་བ་ཕྲག་དགུ
41b5 བཅུ་རྩ་དགུས་སྙིང་པོ་འདི་གསུངས་སོ།། ཨོཾ་ཨཱཿཧྲཱིཿས~ཾ་ཧ་ནཱ་ད་ཧཱུཾ་ཕཊ། ད་ལྟར་ང་ཉིད་ཀྱིས་བརྗོད་དེ། རིག་སྔགས་ཀྱི་སྙིང་པོ་འདི་ལན་ཅིག་བརྗོད་པས་སྡིག་པ་ཀུན་ལས་གྲོལ་བར་འགྱུར
41b6 སྲིད་པ་ཉམ་ངར་འགྲོ་མི་འགྱུར།། ལུས་ལ་མཚོན་གྱིས་ཚུགས་མི་འགྱུར།། དགྲ་དང་ཆོམ་པོས་མི་ཚུགས་ཤིང་།། ཀླུ་ལ་སོགས་པས་འཚེ་མི་འགྱུར།། རྟག་ཏུ་དཔལ་དང་ལྡན་པར་འགྱུར།
41b7 བུང་མེད་ལུས་སུ་མི་འགྱུར་ཞིང་།། རྟག་ཏུ་སྐྱེ་བ་དྲན་པར་འགྱུར།། ཤི་ནས་བདེ་བ་ཅན་དུ་འགྲོ།། འཇམ་དཔལ་དེ་བཞིན་གཤེགས་པ་རྣམ་པར་གཟིགས་དང་། གཙུག་ཏོར་ཅན་དང་།
iiif viewer powered by OpenSeadragon
