| e-texts navigator |
| Wylie |
41a1 སུ་རུང་།། ཉམས་ན་ཀླུ་མི་ག་ཤེ་མ་མཛོད།། ཅེས་སྨྲས་ནས་ཀླུ་ཆེན་པོ་བརྒྱད་སྦྲུལ་དཀར་པོ་གཅིག་ཏུ་བྱས་ནས་ཚངས་སྤྱད་ལ་འཁྲིས་སོ།། ཀླུའི་རྒྱལ་པོ་རྣམས་ཀྱང་བདུན
41a2 ཅག་ནི་བྲན་བགྱིད་དོ།། ཅི་བཀའ་སྩལ་པ་ཉན་ནོ་ཞེས་སྨྲས་ནས་ཀླུ་རྣམས་སོ་སོའི་གནས་སུ་དེངས་སོ།། འཇམ་དཔལ་བྱང་ཆུབ་སེམས་དཔའ་དེ་ནི་སྙིང་རྗེ་ཀླུ་འདུལ་ཞེས་བྱའོ།། སྙིང་ནད་སེལ་བ་ཞེས
41a3 བྱའོ།། འཇམ་དཔལ་དེ་ལྟར་སྔོན་གྱི་བྱང་ཆུབ་སེམས་དཔའ་ཤེས་རབ་ཆེན་པོ་འཇམ་དཔལ་སྨྲ་བའི་སེང་གེ་ཁྱོད་ཉིད་ཡིན་ནོ།། དེའི་དུས་ཀྱི་བྱང་ཆུབ་སེམས་དཔའ་སྙིང་རྗེ་མཆོག་དེ་ནི་ད་ལྟའི་འཕགས
41a4 པ་སྤྱན་རས་གཟིགས་དབང་ཕྱུག་སེང་གེ་སྒྲ་ཀླུའི་དེད་དཔོན་ཆེན་པོ་འདི་ཉིད་ཡིན་ནོ།། འཇམ་དཔལ་ངས་རྒྱལ་པོ་ཆེན་པོ་དེའི་དོན་དུ་ཐུགས་རྗེ་ཆེན་པོའི་སྔགས་བརྗོད་པར་བྱའོ།། ཡིད་ལ་ཟུང་ཞིག། ན
41a5 མོ་རཏྣ་ཏྲ་ཡཱ་ཡ། ན་མ་ཨཱརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡེ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ཀ་ཊེ་བི་ཀ་ཊེ་ནི་ཀ་ཊེ། ཀ་ཏཾ་ཀ་ཊེ་ཀ་རོ་ཊོ། ཙི་ཏི་ཛཱ་ལ་ཀ་རོ་ཏི་བཨཱརྱེ་སྭཱཧཱ།
41a6 གཟུངས་འདི་ནི་སངས་རྒྱས་བྱེ་བ་ཕྲག་བརྒྱད་ཅུས་གསུངས་ལ། ད་ལྟར་ང་ཉིད་ཀྱིས་བརྗོད་པའོ།། འདིའི་ཆོ་ག་ནི་མི་དགོས་པས་ལས་ཐམས་ཅད་འགྲུབ་པའོ།། བཅོམ་ལྡན་འདས་སྤྱན་རས་གཟིགས
41a7 དབང་ཕྱུག་སེང་གེ་སྒྲའི་སྐུ་ལུགས་མ་འམ། བྲས་སྐུའི་སྤྱན་སྔར་བའི་ལྕི་བ་ས་ལམ་ལྷུང་བས་སོ་སོར་མ་འདྲེས་པར་མཎྜལ་བརྒྱད་བྱས་ཏེ། མཎྜལ་རེ་རེ་ལ་མེ་ཏོག་ཆོམ་བུ་ལྔ་ལྔ་པ་འམ་སྟེ། མེ་ཏོག་དང་།
iiif viewer powered by OpenSeadragon
