| e-texts navigator |
| Wylie |
39b1 ཕུན་སུམ་ཚོགས་པ་དང་ལྡན་པ་ལས་རྒྱལ་པོ་དེ་ལ་མཛེ་དང་། བོལ་མིག་དང་། དབུགས་མི་བདེ་བ་སྙིང་ནང་འབར་བ་བྱུང་སྟེ། དེ་ཇི་ལྟར་བསལ་བར་བགྱི་བཅོམ་ལྡན་འདས་ཀྱིས།
39b2 བཀའ་སྩལ་པ་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་སྔོན་འཇིག་རྟེན་གྱི་ཁམས་འདི་ཉིད་ན་འཇམ་དཔལ་ཁྱོད་ཉིད་བྱང་ཆུབ་སེམས་དཔའ་ཤེས་རབ་ཆེན་པོ་ཞེས་བྱ་བ
39b3 ཡིན་ལ་འཕགས་པ་སྤྱན་རས་གཟིགས་དབང་ཕྱུག་སེང་གེ་སྒྲ་འདི་ཉིད་བྱང་ཆུབ་སེམས་དཔའ་སྙིང་རྗེའི་མཆོག་ཅེས་བྱ་བ་ཡིན་པས་བྱང་ཆུབ་སེམས་དཔའ་དེ་གཉིས་སྟོང་གསུམ་དུ
39b4 སེམས་ཅན་གྱི་དོན་ལ་གཤེགས་པ་ལ་སེང་གེ་དཀར་པོ་གཅིག་དབང་དུ་བསྡུས་ཏེ་ཆིབས་པ་བྱས། སྐུ་ལ་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ་མདུང་རྩེ་གསུམ་པ་དང་རལ
39b5 གྲི་དང་། པདྨ་དང་། ཨུཏྤ་ལ་ཐོགས་ནས་ཕྱིན་པ་ལ། རྒྱ་མཚོ་ཆེན་པོ་ལ་རྒལ་བའི་དུས་སུ་སེང་གེ་བཞག་ནས་འཁུར་རེས་བྱས་ཤིང་བྱོན་པ་ལ། བྱང་ཆུབ་སེམས་དཔའ་ཤེས
39b6 རབ་ཆེན་པོ་ཁྱོད་ཉིད་ནི་གྲོགས་ལ་ཕན་པའི་སེམས་ཀྱིས་རང་གི་རལ་གྲིས་རང་བཀུམ་མོ།། བྱང་ཆུབ་སེམས་དཔའ་སྙིང་རྗེ་མཆོག་གི་བསམ་པ་ལ་སྟེང་འོག་པར་སྣང་གི་ཀླུ་དང་ལྷ་ལ་སོགས་པས
39b7 བསད་དམ་སྙམ་ནས་བཏུང་བའི་སྣོད་བྲམ་ཟེའི་ཐོད་པ་ལག་ན་ཐོགས་ཏྲི་ཤཱུ་ལ་རྩེ་གསུམ་པ་ལག་ན་ཐོགས་སེང་གེ་དཀར་པོ་ལ་ཞོན་མྱ་ངན་དུ་རལ་པ་ཐོད་དུ་བཅིངས་ནས
iiif viewer powered by OpenSeadragon
