| e-texts navigator |
| Wylie |
31a1 ཀུན་བརྒྱན་པར་བྱའོ།། གླང་ཆེན་རྟ་དང་ཤིང་རྟ་དང་།། ཕྱོགས་དང་གྲོང་ཁྱེར་རྒྱལ་སྲིད་དང་།། ཡུལ་འཁོར་རྒྱལ་སྲིད་ལྡན་པ་དང་།། རིན་ཆེན་སྣ་ཚོགས་དག་ཀྱང་ནི།
31a2 གཞན་ཡང་རྡོ་རྗེ་སློབ་དཔོན་དབུལ།། རྡོ་རྗེ་སློབ་དཔོན་དགྱེས་གྱུར་པ།། ཐམས་ཅད་རབ་སྦྱིན་དབུལ་བར་བྱ།། འཇིག་རྟེན་དབང་ཕྱུག་གི་རྟོག་པ་རྫོགས་སོ།། ། རྒྱ་གར་གྱི
31a3 མཁན་པོ་ཛམྦྷ་ལ་དང་། བོད་ཀྱི་ལོ་ཙ་བ་དགེ་སློང་བ་རིས་བསྒྱུར་ཅིང་གཏན་ལ་ཕབ་པ།། རྒྱ་གར་སྐད་དུ། ཨཱརྱ་ས་མནྟ་བྷ་དྲ་ནཱ་མ་དྷཱ་ར་ཎིབོད
31a4 སྐད་དུ། འཕགས་པ་ཀུན་ཏུ་བཟང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདྲ
31a5 རྒྱལ་པོའི་ཁ་བ་ན་བྱ་རྒོད་ཕུང་པོའི་རི་ལ། དགེ་སློང་བརྒྱད་སྟོང་གི་དགེ་འདུན་ཆེན་པོ་དང་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུ་དང་ཐབས་ཅིག་ཏུ་བཞུགས་ཏེ། གནས་གཙང
31a6 མའི་རིས་ཀྱི་ལྷའི་བུ་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སྟན་ལས་ལངས
31a7 ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་གཙུག་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད
iiif viewer powered by OpenSeadragon
