| e-texts navigator |
| Wylie |
30b1 བ་སངས་རྒྱས་ཤཱཀྱ་ཐུབ་པའི་ཞལ་ལོ།། ཕྱག་རྒྱ་བའི་བཅོམ་ལྡན་འདས་འདི་ནི་སྣ་ཚོགས་ཀྱི་མཚོན་ཆ་བསྣམས་པའོ།། ཡང་ན་ཞལ་བརྒྱ་པ་ཕྱག་སྟོང་པའང་བྱའོ།། ཁ་ཅིག་ཏུ་རྡོ་རྗེ་སྐྱིལ་མོ་ཀྲུང་གིས།
30b2 གནས་པ་འམ་བཞེངས་པའང་བྱའོ།། ཙམ་པ་ལྟ་བུའི་དཀར་སེར་གྱི་བཅོམ་ལྡན་འདས་སོ།། ཐང་སྐུ་དེ་ཀུན་གྱི་གཡས་ཕྱོགས་ཀྱི་བར་དུ་སྒྲུབ་པ་པོ་མེ་ཏོག་དང་། མཆོད་ཡོན་གྱི་སྣོད་དང་། བདུག་སྤོས་ཀྱི
30b3 སྣོད་ལག་པ་ན་གཟུང་བར་བྱའོ།། དེ་རྣམས་ཀྱི་དབུ་ལ་དབུ་རྒྱན་དུ་འོད་དཔག་མེད་པ་འམ། ཆོས་ཀྱི་རྒྱལ་པོའི་མཆོད་རྟེན་བྲི་བར་བྱའོ།། འདི་ནི་ཟང་སྐུའི་ཆོ་གའོ།། ཐང་སྐུའི་མདུན་དུ་རྩ་བའི་སྔགས་ཇི་ལྟ
30b4 བ་འདོད་པ་དེ་བཟླ་ཞིང་བསམ་གཏན་ཡང་བྱས་ནས། མཆོད་པ་རྣམ་པ་ལྔས་མཆོད་ལ། མཆོད་ཡོན་སྣོད་དང་། ཡོངས་སུ་གང་བའི་བདུད་རྩི་ལྟ་བུའི་ཟས་དང་། སྒྲོན་མའི་ཟས་ལ་བྱས་ནས་མཆོད
30b5 ཡོན་བྱིན་ཏེ་སྔགས་གང་འདོད་པ་དེ་བཟླས་པ་བྱས་ན། དེ་ལ་གསུངས་པའི་དངོས་གྲུབ་ཏུ་འགྱུར་རོ།། གསང་བ་པོ་ནི་སྔགས་འདི་ཉིད།། ཁ་ཅིག་ལ་ཡང་མི་སྦྱིན་ནོ།། བློ་ལྡན་སེམས་ཅན་དོཿ།
30b6 བརྩོན་པའི།། སེམས་བརྟན་པ་ལ་སྦྱིན་པར་བྱ།། མཆོད་རྟེན་ལས་བྱེད་ཉིད་ལ་ནི།། བློ་ལྡན་འབད་པས་སྦྱིན་པར་བྱ།། རང་ཉིད་དང་ནི་ནོར་དང་ནི།། བླ་མ་ལ་རྟག་གུས་པར་བྱ།། རྡོ་རྗེ་སློབ་དཔོན
30b7 རྣལ་འབྱོར་ལ། མཆོག་ཏུ་གྱུར་པའི་ཡོན་ཡང་དབུལ།། གང་དང་གང་ནི་གཏང་དཀའ་བ།། མཆོག་ཏུ་གྱུར་པར་འདིར་ནི་བསྔགས།། ཆུང་མ་སྲིང་མོ་དང་ཡང་ནི།། བུ་མོ་དང་ནི་ཚ་མོ་དག། བུ་མོ་རྒྱན
iiif viewer powered by OpenSeadragon
