| e-texts navigator |
| Wylie |
101b1 ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། དེ་བཞིན་གཤེགས་པའི་ཡུམ་མཆོག་རིན་པོ་ཆེ།། རིན་ཆེན་མར་མེ་འཕྲེང་བའི་བྱེ་བྲག་རྣམས།། རྒྱལ་བ་བསྐྱེད་པའི་ཡུམ་ལ་མཆོད་པར་བགྱི།
101b2 གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། དེ་བཞིན་གཤེགས་པའི་ཡུམ་མཆོག་ན་བཟའ་དཀར།། དྲི་ཞིམ་ཆུ་གཙང་སྤོས་དང་ལྡན་པའི་ཆུ།། རྒྱལ་བ་སྐྱེད་པའི་ཡུམ་ལ་མཆོད་པར་བགྱི།
101b3 གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། རྒྱལ་བ་སྐྱེད་པའི་ཡུམ་མཆོག་འཕྲིན་ལས་ལྡན།། བཟའ་དང་བཅའ་བ་ལ་སོགས་ཞལ་ཟས་རྣམས།། རྒྱལ་བ་སྐྱེད་པའི་ཡུམ་ལ་མཆོད་པར
101b4 བགྱི།། སྡུག་བསྔལ་ཐམས་ཅད་ཞི་བར་མཛད་པ་ཡི།། གླུ་དང་རོལ་མོ་སིལ་སྙན་བཅས་པའི་སྒྲ།། གདུགས་དང་རྒྱལ་མཚན་པ་དན་འཕན་གདུགས་བཅས།། ཕྱོགས་བཅུ་ཀུན་ནས་སྤྲིན་བཞིན་གཏིབས
101b5 གྱུར་ཅིག། དཔག་བསམ་གྱི་ནི་ཤིང་དག་དང་།། ལྗོན་པའི་ཤིང་དང་ཤིང་དག་གིས།། དྲི་ཞིམ་ལོ་འདབ་བཅས་པའི་ཤིང་།། ཕྱོགས་བཅུ་ཀུན་ནས་གཏིབས་གྱུར་ཅིག། སྤོས་ཀྱི་ངད་དང་ལྡན་པའི་ཆར།
101b6 འབྲུ་དང་མེ་ཏོག་ལ་སོགས་པའི།། ཡིད་དུ་འོང་བའི་དྲི་ཞིམ་ཆར།། ངེས་པར་ཀུན་ཏུ་འབབ་པར་ཤོག། འབབ་ཆུ་ལྟེང་ཀ་ལུ་མ་དང་། མཚོ་དང་རྫིང་བུ་དག་དང་ནི།། རོ་བརྒྱ་དག་དང་ལྡན་པའི་མཚོ།
101b7 ངང་པ་ལ་སོགས་བཅས་པ་ཡི།། རིན་ཆེན་ཁང་པ་ཡིད་འོང་བའི།། དྲ་བ་དྲ་བ་ཕྱེད་པ་དང་།། ཤར་ནུབ་འོད་བཅས་ཉི་ཟླ་དག་དང་ནི།། ཁང་པ་ཤིན་ཏུ་ཡིད་དུ་འོང་བ་རྣམས།། རྒྱལ་བ་སྐྱེད་པའི་ཡུམ་ལ
iiif viewer powered by OpenSeadragon
