| e-texts navigator |
| Wylie |
101a1 བཞིན་གྱིས་རྣམ་པར་དག་པར་བསྒོམ་པར་བྱའོ།། འཇམ་དཔལ་དེའི་ཕྱིར་སྔགས་འདི་བརྗོད་པར་བྱའོ།། ཨོཾ་སྭ་བྷཱ་བ་བི་ཤུདྡྷོ། སརྦ་དྷརྨཱ་སྭ་བྷཱ་བ་བི་ཤུདྡྷོ&ཧཾ། ཞེས་བརྗོད།
101a2 པར་བྱའོ།། ཡང་བཅོམ་ལྡན་འདས་ཀྱིས་གསུངས་པ། མངལ་ནས་སྐྱེས་པ་དང་། སྒོ་ང་ལས་སྐྱེས་པ་དང་། དྲོད་གཤེར་ལས་སྐྱེས་པ་དང་། རྫུས་ཏེ་སྐྱེས་པ་དག་ལ་བལྟས་ཏེ་བྱམས་པ་བསྒོམ་པར་བྱའོ།།
101a3 སྐྱེས་པ་དང་། རྒས་པ་དང་། ན་བ་དང་། འཆི་བ་ལ་སྙིང་རྗེ་ཆེན་པོ་བསྐྱེད་པར་བྱའོ།། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། རང་བཞིན་གྱིས་འདུས་མ་བྱས་པ་ལ་དགའ
101a4 བ་དང་བཏང་སྙོམས་བསྒོམ་པར་བྱའོ།། འཇམ་དཔལ་དེ་ལྟ་བས་ན་རྒྱུ་ནི་ཚད་མེད་པ་བཞིའོ།། དེས་བསྐྱེད་པ་ནི་བྱང་ཆུབ་ཀྱི་སེམས་སོ།། དེའི་ཕྱིར་དེ་ལ་ན་ན་ཏན་དུ་ཡིད་ལ་བྱའོ།། འཇམ་དཔལ་དེའི་ཕྱིར།
101a5 སྔགས་འདི་བརྗོད་པར་བྱའོ།། ཨོཾ་བོ་དྷི་ཙིཏྟ་ཨུཏ་པཱ་ར་ཡ་ཨ་ཧཾ། ཞེས་བརྗོད་པར་བྱའོ།། ཡང་བཅོམ་ལྡན་འདས་ཀྱིས་གསུངས་པ་མཆོད་པ་འདི་རྣམས་ཀྱིས་མཆོད་པར་བྱའོ།། གང་ཡང་ཕྱོགས
101a6 བཅུའི་འཇིག་རྟེན་ཁམས་བཞུགས་པའི།། སངས་རྒྱས་རྣམས་ཀྱིས་བྱིན་གྱིས་བརླབས་པ་ཡི།། ཕྱེ་མ་ཕུར་མ་བདུག་པའི་བྱེ་བྲག་རྣམས།། རྒྱལ་བ་སྐྱེད་པའི་ཡུམ་ལ་མཆོད་པར་བྱའོ།། གང་ཡང་ཕྱོགས
101a7 བཅུའི་འཇིག་རྟེན་ཁམས་བཞུགས་པའི།། དེ་བཞིན་གཤེགས་པའི་ཡུམ་མཆོག་སངས་རྒྱས་སྤྱན།། མེ་ཏོག་སིལ་མ་འཕྲེང་བའི་བྱེ་བྲག་རྣམས།། རྒྱལ་བ་སྐྱེད་པའི་ཡུམ་ལ་མཆོད་པར་བགྱི།། གང
iiif viewer powered by OpenSeadragon
