| e-texts navigator |
| Wylie |
100b1 མྱ་ངན་ལས་འདས་པ་ཞེས་བྱ་བ་ནི་ཆོས་ཀྱི་དབྱིངས་སོ།། ཡང་དག་པའི་མཐའི་ཚིག་བླ་དགས་སོ།། སྙིང་རྗེ་ཆེན་པོའོ།། ཀུན་རྫོབ་ངོ་བོ་འཁོར་བའི་ཚིག་བླ་དགས་སོ།། དེ་ལས་འདས་པ་ནི་དུས་གསུམ།
100b2 གྱི་སངས་རྒྱས་སྐྱེད་པའི་ཡུམ་མོ།། དེའི་ཕྱིར་འཁོར་བ་དང་མྱ་ངན་ལས་འདས་པའོ།། འཇམ་དཔལ་དེ་ལྟར་ན་ཡུམ་དུ་ཡིད་ལ་བྱའོ།། བཅོམ་ལྡན་འདས་ཀྱིས་གསུངས་པ། འཇམ་དཔལ་དེ་བས་ན
100b3 ཆོས་རྣམས་ཀྱི་དེ་ཁོ་ན་ཉིད་ཤེས་པས་འདི་བསྒོམ་པར་བྱའོ།། གཟུངས་སྔགས་འདི་བརྗོད་པར་བྱའོ།། ནན་ཏན་དུ་བསྒྲུབ་པར་བྱའོ།། འདིའི་ཡོན་ཏན་ཤེས་པར་བྱའོ།། འདི་མཆོད་པར་བྱའོ།།
100b4 ལུང་ནོད་པར་བྱའོ།། ཐེ་ཚོམ་མེད་པར་བྱའོ།། ལས་ལ་ནན་ཏན་དུ་བྱའོ།། འདིའི་བསྔགས་པ་ཡིད་ལ་བྱའོ།། སོ་སོའི་སྒོ་ནས་བསྒྲུབ་པར་བྱའོ།། དེ་སྐད་ཅེས་བྱང་ཆུབ་སེམས་དཔའ་འཇམ
100b5 དཔལ་གཞོན་ནུ་ལ་བསྟན་ཏོ།། དེས་ནི་གླེང་གཞིའི་ལེའུ་བསྟན་པ་སྟེ་ལེའུ་དང་པོའོ།། ། དེ་ནས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པས། བཅོམ་ལྡན
100b6 ལ་གསོལ་པ། བཅོམ་ལྡན་འདས་འདི་ཇི་ལྟར་བསྒོམ་པར་བྱ། འདི་ལ་ཇི་ལྟར་ནན་ཏན་དུ་བགྱི་ཞེས་གསོལ་བ་དང་བཅོམ་ལྡན་འདས་ཀྱིས་གསུངས་པ། འཇམ་དཔལ་འདི་ལྟར་ཡིད་ལ
100b7 བྱའོ།། འཇམ་དཔལ་ཆོས་ཐམས་ཅད་ནི་མ་སྐྱེས་པའོ།། ཆོས་ཐམས་ཅད་ནི་མི་འགགས་པའོ།། ཆོས་ཐམས་ཅད་ནི་དྲི་མ་དང་བྲལ་བའོ།། ཆོས་ཐམས་ཅད་ནི་མྱ་ངན་ལས་འདས་ཤིང་རང
iiif viewer powered by OpenSeadragon
