| e-texts navigator |
| Wylie |
97b1 ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དག་ན་དབང་ཆེ་བར་གྲགས་པ། དབང་ཆེ་བར་གྲགས་པའི་ལྷ་དག་ལྷགས་ནས། བཅོམ་ལྡན་འདས་དང་དགེ་སློང་གི་དགེ་འདུན་ལ་བསྙེན་བཀུར་བྱེད་དོ།། དེ་ནས་ཚངས
97b2 རིས་ཀྱི་ལྷ་ཚངས་པའི་འཇིག་རྟེན་ན་གནས་པ་བཞི་ཞིག་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་དེ་ནི་ཤཀྱ་རྣམས་ཀྱི་སེར་སྐྱའི་གནས་ཀྱི་ནགས་ཚལ་ན།། དགེ་སློང་ལྔ་བརྒྱ་ཐམས་ཅད་ཀྱང་དགྲ
97b3 བཅོམ་པ། ཟག་བཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ
97b4 བ་ཤ་སྟག་དང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་དགེ་སློང་གི་དགེ་འདུན་ལ་མྱ་ངན་ལས་འདས་པ་དང་ལྡན་པའི་ཆོས་ཀྱི་གཏམ་སྟོན་པར་མཛད་དེ། དེའི་ཚེ་ན་ཕྱོགས་བཅུ་ཀུན་གྱི་འཇིག
97b5 རྟེན་གྱི་ཁམས་དག་ན་དབང་ཆེ་བར་གྲགས་པ་དང་། དབང་ཆེ་བར་གྲགས་པའི་ལྷ་དག་ལྷགས་ནས། བཅོམ་ལྡན་འདས་དང་དགེ་སློང་གི་དགེ་འདུན་ལ་བསྙེན་བཀུར་བྱེད་ཀྱི། བདག་ཅག་ཀྱང་སོང་ལ། བཅོམ
97b6 ལྡན་འདས་ལ་རེ་རེ་ནས་ཚིགས་སུ་བཅད་པས་མངོན་པར་བསྟོད་པར་བྱ་གྲོར་མ་ཆག་སྙམ་མོ།། དེ་ནས་ཚངས་རིས་ཀྱི་ལྷ་བཞི་པོ་དག་འདི་ལྟ་སྟེ། དཔེར་ན་སྐྱེས་བུ་སྟོབས་དང་ལྡན་པས་ལག་པ་བསྐུམ་པ་ལས་བརྐྱང
97b7 བ་འམ། བརྐྱང་བ་ལ་བསྐུམ་པ་ཙམ་གྱིས་ཚངས་པའི་འཇིག་རྟེན་ནས་མི་སྣང་བར་གྱུར་ཅིང་། བཅོམ་ལྡན་འདས་ཀྱི་སྤྱན་སྔར་ལྷགས་ཏེ་ཕྱོགས་གཅིག་ཏུ་འཁོད་ནས། ཚངས་རིས་ཀྱི་ལྷ་གཅིག་གིས་ཚིགས་སུ
iiif viewer powered by OpenSeadragon
