| e-texts navigator |
| Wylie |
92b1 ལྷུར་སྐྱེ་བར་འགྱུར་རོ།། དགའ་བོ་གལ་ཏེ་དགེ་སློང་པ་འམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ཞིག་རྟག་ཏུ་གཟུངས་འདིས་ལཟས་ལ་བསྔགས་ཏེ་ཡི་དགས་ལ་སྦྱིན་པ་བྱིན་ན
92b2 བསོད་ནམས་ཚ་མེད་པ་སྙེད་ཡོངས་སུ་རྫོགས་པར་འགྱུར་ཞིང་། དེ་ལས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས་དྲང་ཁྱད་པར་མེད་དེ་ཚེ་རིང་བདང་བསོད་ནམ་དང་།
92b3 མདངས་དང་སྟོབས་སྐྱེ་ཞིང་འཕེལ་བ་དང་། དག་པའི་རྩ་བ་ཡོངས་སུ་རྫོགས་པ་དང་། མི་མ་ཡིན་པ་དང་། གནོད་སྦྱིན་དང་། སྲིན་པོ་དང་། ཡི་དགས་མ་རུངས་ཐམས་ཅད་ཀྱིས
92b4 གཙེ་ཞིང་གནོད་པར་བྱེད་མི་ནུས་པ་དང་། གཞན་ལ་གཟི་བརྗིད་ཚད་མེད་པ་དང་ལྡན་པར་འགྱུར་རོ།། གལ་ཏེ་གང་ཞིག་བྲམ་ཟེ་དང་དྲང་སྲོང་ལ་སྦྱིན་པ་བྱེད་འདོད་ན། ཁ་ཟས་ཡོངས་སུ་དག་པ་སྣོད་གཅིག་གི་ནང
92b5 དུ་བཀང་སྟེ་གཟུངས་སྔགས་ལན་བདུན་བཟླས་ཏེ་འབབ་ཆུ་གཙང་མར་གཏོར་ན། དེ་ལྟར་བྱས་པས་ལྷ་རྫས་ཀྱི་ཞལ་ཟས་མཆོག་དམ་པར་གྱུར་ཏེ། དེས་ན་བྲམ་ཟེ་དང་དྲང་སྲོང་དེ་དག་ཀྱང་སྔགས་ཀྱིས་བཏབ
92b6 པའི་ཟས་ཐོབ་ནས་སྔགས་ཀྱི་བྱིན་གྱིས་སོ་སོ་ནས་སྔོན་ཆད་ཅི་དང་ཅི་ལ་དགའ་ཞིང་མོས་པའི་དགེ་བའི་རྩ་བའི་བསོད་ནམས་སུ་ཡོངས་སུ་འགྱུར་བས། སོ་སོ་ནས་མཐུན་པར་དུས་གཅིག་ཏུ་དེ་ལ་ཚེ་རིང་བ་དང་།
92b7 མདངས་དང་། སྟོབས་སུ་ལྡན་ཏེ་བདེ་ཞིང་སྐྱིད་པར་གྱུར་ཅིག་ཅེས་སྨོན་ལམ་འདེབས་སོ།། གཞན་ཡང་མི་དེ་སེམས་བསམ་པ་བཞིན་དུ་མཐོང་བ་དང་ཐོས་པའི་སྒོ་ནས་ཡོངས་སུ་དག་ཅིང་། ཤེས་པ
iiif viewer powered by OpenSeadragon
