| e-texts navigator |
| Wylie |
91b1 ལས་གཟུངས་འདི་ཐོས་པས་ན་དེའི་དབང་གིས་ཡི་དགས་ཚད་མེད་པ་སྙེད་དང་། དྲང་སྲོང་མང་པོ་ལ་ཁ་ཟས་དང་གཏོར་མ་བྱིན་པར་གྱུར་ཏེ། ཡི་དགས་ཀྱི་ཁམས་སུ་སྐྱེས་པ་དེ་དག་ཀྱང་སྡུག
91b2 བསྔལ་ལས་རྣམ་པར་གྲོལ་ནས་མཐོ་རིས་ཀྱི་ལྷུར་སྐྱེས་པར་གྱུར་ཏོ།། དགའ་བོ་ཁྱོད་ཀྱིས་ཟུང་ཞིག། བསོད་ནམས་དང་ཚེའི་ཚད་ཀྱང་འཕེལ་ཞིང་སྐྱེ་བར་འགྱུར་རོ།། དེའི་ཚེ་བཅོམ་ལྡན་འདས་ཀྱིས
91b3 དགའ་བོ་ལ་གཟུངས་སྔགས་འདི་བཀའ་སྩལ་ཏོ།། ན་མཿསརྦ་ཏ་ཐཱ་ག་ཏ་ཨ་བ་ལེ་ཀི་ཏེ། སཾ་བྷུ་ར་སཾ་བྷ་ར་ཧཱུཾ། བཅོམ་ལྡན་འདས་ཀྱིས། དགའ་བོ་ལ་བཀའ་སྩལ་པ། རིགས་ཀྱི་བུ་འམ་ཀ་རིགས་ཀྱི་བུ་མོ
91b4 གང་ལ་ལ་ཞིག་ཚེ་རིང་བར་འདོད་དུམ། བསོད་ནམས་ཆེ་ཞིང་འཕེལ་བ་དང་། སྦྱིན་པའི་ཕ་རོལ་ཏུ་ཕྱིན་པ་མྱུར་དུ་ཡོངས་སུ་རྫོགས་པར་བྱ་བར་འདོད་ན། རྟག་ཏུ་སྔ་དྲོའི་དུས་སམ། ཡང་ན་དུས་ཐམས་ཅད་དུ
91b5 བྱས་ཀྱང་བར་ཆད་དུ་འགྱུར་བ་མེད་དོ།། སྣོད་གཙང་མའི་ནང་དུ་ཆུ་གཙང་མ་བླུགས་ལ་ཆེན་ནས། ཕྱེ་འམ། འཁུར་བ་ལ་སོགས་པ་ཅུང་ཟད་ཅིག་བཏབ་སྟེ། ལག་པ་གཡས་པ་སྣོད་ཀྱི་སྟེང་དུ་བཞག་སྟེ། གཟུངས་འདི
91b6 ལན་བདུན་བསྔགས་ནས། དེ་བཞིན་གཤེགས་པ་བཞིའི་མཚན་ནས་བརྗོད་པར་བྱའོ།། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ།། དེ་བཞིན་གཤེགས་པ་རིན་ཆེན་མང་གི་མཚན་ནས་བརྗོད་པའི
91b7 བྱིན་གྱི་རླབས་ཀྱིས། ཡི་དགས་ཐམས་ཅད་སྐྱེ་བ་མང་པོའི་སེར་སྣ་བྱས་པ་མི་དགེ་བའི་ལས་བཅོམ་ཞིང་བསོད་ནམས་ཡོངས་སུ་རྫོགས་པར་འགྱུར་རོ།། དེ་བཞིན་གཤེགས་པ་གཟུགས་དམ་པ་ལ་ཕྱག་འཚལ
iiif viewer powered by OpenSeadragon
