| e-texts navigator |
| Wylie |
308a1 འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་གཡས་ཕྱོགས་སུ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
308a2 བཅོམ་ལྡན་འདས་བདག་ལ་རིག་སྔགས་ཀྱི་སྙིང་པོ་གདོང་བཅུ་གཅིག་པ་ཞེས་བགྱི་བ་མཐུ་ཆེན་པོ་དང་ལྡན་པ་སངས་རྒྱས་བྱེ་བ་ཕྲག་བཅུ་གཅིག་གིས་གསུངས་པ་མཆིས་ཏེ། དེང་བདག་གིས་སེམས་ཅན།
308a3 ཐམས་ཅད་ལ་སྨན་ཅིསདེ་བར་བགྱི་བ་དང་། ཁྲོ་ནད་ཐམས་ཅད་ཞི་བར་བགྱི་བ་དང་། སྡིག་པ་ཐམས་ཅད་སྦྱང་བ་དང་། བཀྲ་མི་ཤིས་པ་ཐམས་ཅད་བཟློག་པར་བགྱི་བ་དང་། རྨི་ལམ་ངན་པ་ཐམས་ཅད་དགག།
308a4 པ་དང་། དུས་མ་ལགས་པར་འཆི་བ་ཐམས་ཅད་བཟློག་པ་དང་། ངན་སེམས་ཅན་རྣམས་གདུལ་ཞིང་དང་བ་ཐོབ་པར་བགྱི་བ་དང་། མྱ་ངན་གྱི་སྡུག་བསྔལ་དང་ལྡན་པ་དག་བདེ་བ་ཐོབ་པར་བགྱི་བ་དང་། ཁོ་ན
308a5 དང་བཅས་པ་རྣམས་འདུམ་པར་བགྱི་བ་དང་། བདུད་དང་གདོན་བགེགས་རྣམས་ཞི་བར་བགྱི་བ་དང་། སེམས་ཀྱི་སྨོན་པ་རྣམས་མངོན་པར་བསྒྲུབ་པར་བགྱི་བའི་སླད་དུ་བཤད་པར་བགྱིའོ།། བཅོམ་ལྡན་འདས
308a6 བདག་གིས་ནི་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེར་བཅས་པ་ལ་སོགས་པ་གང་གིས་ཀྱང་རིག་སྔགས་འདིས་བསྲུང་བར་བགྱིས་པ་དང་། འདི་ལེན
308a7 པ་དང་། འཛིན་པ་དང་། ཀློག་པ་དང་། འདོན་པ་དང་། ཡི་གེར་བྲིས་ནས་སྤེལ་བར་བགྱིད་པ་དེ་དག་ལ་བགེགས་བགྱིད་པ་དང་། བདུད་ཀྱི་བར་ཆད་དང་། མཚོན་ཆ་དང་། དབྱིག་པ་དང་། དུག་དང་། བྱང
iiif viewer powered by OpenSeadragon
