| e-texts navigator |
| Wylie |
294b1 དང་། ཡི་དགས་དང་། དུད་འགྲོ་ཐམས་ཅད་ལས་ཡོངས་སུ་ཐར་བར་འགྱུར་ཞིང་།། སྐྱེ་བོའི་ཚོགས་མང་པོ་སྡུག་བསྔལ་ལ་གནས་པ་རྣམས་ལས་རྣམ་པར་གྲོལ་བར་འགྱུར་རོ།། ནམ་སངས་རྒྱས་ཀྱི་ཞིང
294b2 ཡོངས་སུ་དག་པའི་གནས་པར་གྱུར་གྱི་བར་དུ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ།། དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ།། བྱང་ཆུབ་སེམས
294b3 དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྥ་ན་ར་ས་གཟིགས་དབང་ཕྱུག་ལ་ཕྱག་འཚལ་ལོ།། ཨོཾ་མ་ཧཱ་བཱིརྱ་ཨ་མོ་གྷ་བི་ལེ་ཀི་ཏེབ་ར་བ་ར། དྲི་ཊཱ་བཱིརྱ་མཧཱ་བ་ལ། བ་ལ་བ
294b4 ལ། མ་ཧཱ་བེ་དྷྱཾ་ག། བ་ལ། བེ་དྷི་ཧཱུཾ་བཊ་སྭཱཧཱ། གཟུངས་འདྲི་དུས་རྟག་ཏུ་དྲན་པ་འམ། ཡོངས་སུ་དག་ཅིང་སྤྲོ་བའི་ཡིད་ཀྱི་ས་དྲན་པ་ཙམ་གྱིས་མོད་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས
294b5 སུ་དག་པར་འགྱུར་རོ།། གང་འདི་ཡིད་ལ་བྱེད་པ་དང་ལྡན་པས་དགེ་བའི་སྣ་འགའ་ཙམ་བྱས་པའང་དཔག་ཏུ་མེད་པ་བྱས་པར་འགྱུར། སྟོབས་དང་ལྡན་པར་འགྱུར། མྱུར་བར་འགྱུར་རོ།། བྱང་ཆུབ་ཀྱི
294b6 སྙིང་པོ་ལ་འདུག་གི་བར་དུ་བརྩོན་འགྲུས་ཉམས་པར་མི་འགྱུར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ནམ་ཡང་མི་འབྲལ་བར་འགྱུར། བརྩོན་པ་ཆེན་པོར་འགྱུར་རོ།། དུས་གསུམ་གྱི
294b7 དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ།། བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ།།
iiif viewer powered by OpenSeadragon
