| e-texts navigator |
| Wylie |
214b1 བྱུང་བ་བདག་གིས་མནོས།། དེ་ཚེ་ཕྱོགས་བཅུའི་སངས་རྒྱས་ཀྱིས།། བདག་ལ་དབང་བསྐུར་ལུང་བསྟན་མཛད།། ཁྱོད་ཀྱི་སྔོན་དུ་བསྐལ་པའི་གྲངས།། བརྗོད་མི་ལང་ནས་རིག་སྔགས་ཕྱིར།། ཡང་དག་སྟོང
214b2 ཕྲག་སྟོང་སྙེད་ཀྱང་།། དང་བའི་མཆོད་སྦྱིན་ཆེན་པོ་བྱས།། བྱེ་བ་ཕྲག་གྲངས་བཅུ་གཅིག་ཏུ།། ཕྱོགས་བཅུའི་སངས་རྒྱས་དབང་བསྐུར་བླངས།། དེ་དང་དེ་ཡི་རྣམ་སྨིན་མཆོག། སངས་རྒྱས་ཞིང་ཁམས
214b3 རབ་འབྱམ་དུ།། ཡང་དང་ཡང་དུ་འབྱུང་བར་འགྱུར།། ཕྱིས་ནི་འདྲེན་པ་ཤཱཀྱ་ཞེས།། མི་མཛད་འཇིག་རྟེན་ཁམས་འཁྲུངས་ཚེ།། མི་ཡུལ་ལས་ཀྱང་ཁྱད་པར་དུ།། ཡི་དགས་གླིང་དུ་སྐྱེས་པ་འགའ།།
214b4 གཏན་ལ་འདུད་འཕེལ་བྱ་བའི་ཕྱིར།། མཚན་མོ་མུན་ནུག་སྤྲིན་རུམ་དུ།། སྐད་ཅིག་གློག་འགྱུ་ཇི་ལྟ་བར།། རིག་སྔགས་འཆང་བ་གདོང་བཅུ་གཅིག། ཡན་ལག་སྟོང་དང་ལྡན་པ་ལ།། སྤྱན་ནི་ཚིག་སྟོང་སུམ
214b5 ཅུ་པའི།། མཚན་དང་ལྡན་པའི་སྐུ་འབྱུང་འགྱུར།། དེ་ཚེ་སྐལ་ལྡན་ལ་ལ་ཞིག། མཚན་ནས་བརྗེད་ཅིང་སྐུལ་མོས།། རིག་སྔགས་ཟློས་པ་པོ་གང་ཞིག། འཇིག་རྟེན་འདོད་པ་ཀུན་གྲུབ་ཅིང་།། ཕྱི་ནང་ཡེ་ཤེས་ཉིས
214b6 འགྱུར་རོ།། ལུང་བསྟན་དེ་སྐད་ཐོབ་པའི་ཕྱིར།། སངས་རྒྱས་བྱེ་བ་ཕྲག་བཅུ་གཅིག། གྲངས་སྙེད་ཞལ་ནས་གསུངས་པ་ཡི།། རིག་སྔགས་སྙིང་པོ་གདོང་བཅུ་གཅིག། མཐུ་ཆེན་ཐོགས་པ་མེད་པ་སྟེ།
214b7 འགྲོ་ལ་སྨན་ཅིང་བདེ་བ་དང་།། ནད་ཀུན་སེལ་བྱེད་སྡིག་ཀུན་སྦྱོང་།། བཀྲ་ཤིས་མེད་པ་ཀུན་ཟློག་ཅིང་།། རྨི་ལམ་མཚན་མ་ངན་ཀུནི་སེལ།། དུས་མིན་འཆི་དང་ངན་སེམས་ཟློག། རྟག་ཏུ་དཔལ་དང་སེམས
iiif viewer powered by OpenSeadragon
