| e-texts navigator |
| Wylie |
179a1 འདུས།། ཚོགས་ཀྱི་བདག་པོ་ཆེན་པོ་དེ།། འགྲོ་བའི་དོན་དུ་བཞེངས་པ་ནི།། ཁྲོ་བོ་ཆེན་པོ་འཇིགས་པའི་གཟུགས།། ཡུམ་དང་འཁོར་ཡང་རྫོགས་པར་བསྐྱེད།། ཕུ་བརྒྱད་ཀླུ་བརྒྱུད
179a2 སེམས་དཔའི་ཚུལ།། རྒྱལ་པོ་དེ་བཞིན་ཁྲོ་བོའི་ཚུལ།། ཡི་གེ་བྷེ་དང་མིང་ལས་བསྐྱེད།། འོད་ཟེར་ཚུལ་གྱིས་སྤྱན་དྲངས་ལ།། ཛ་དང་ཛ་ཡི་འཕྲོ་འདུ་དང་།། ཧཱུཾ་དང་ཧཱུཾ་གི་གསང་སྔགས་དང་།། ལྕགས་ཀྱུའི
179a3 ཕྱག་རྒྱས་སྤྱན་དྲངས་ལ།། ནུས་པའི་མཐུ་དང་ལྡན་པར་བྱ།། མཆོད་དང་གཏོར་མ་བཏབ་པར་བྱ།། བ་ལིཾ་གྲིཧྞ་ཁཱ་ཡི་སྔགས།། སྙིང་པོ་དག་དང་སྤེལ་བར་བྱ།། སྒོམ་པའི་རིམ་ལེའུ་སྡེ་བཅུ་གཉིས་པའོ།།
179a4 དེ་ནས་གེས་སྔགས་རྒྱལ་པོནི།། དབྱངས་ཡིག་གསལ་བྱེད་དག་ལས་བཏུ།། དང་པོ་བནི་པདེ་རྗེས་བྲི།། བཞི་པའི་ལྔ་པ་བྲལ་ལ་གཞག། ཡིད་བཞིན་ནོར་བུའི་ཡི་གེ་དང་།། དེ་ཡི་རྗེས་སུ
179a5 བསམ་པར་བྱ།། དེ་བཞིན་གཤེགས་པའི་མཚན་དང་པོ།། དེ་ཡི་རྗེས་སུ་བརྗོད་པར་བྱ།། དེ་ལ་དབྱིངས་ཡིག་བརྒྱད་པས་བརྒྱད།། དགུག་པའི་ཡི་གེ་དག་དང་ནི།། འབྱུང་བ་རླུང་གི་ཡི་གེ་ལ།། དབྱངས་ཡིག་གཉིས་པ་སྦྱར་བ
179a6 ཡིས།། རྒྱལ་བའི་རྒྱལ་པོ་ཞེས་བྱའོ།། ཡིད་བཞིན་ནོར་བུའི་ཡི་གེ་ལ།། དབྱངས་ཡིག་གཉིས་པ་སྦར་བར་བྱ།། ཉི་མ་ཡི་ནི་ཡི་གེ་དང་།། བཞི་པའི་ལྔ་པ་དེ་ནས་བྲི།། དེ་ལ་དབྱངས་ཡིག་བརྒྱད་པས་བརྒྱན།། གཉིས་པོའི
179a7 བཞི་པའི་ཡི་གེ་ལ།། དབྱངས་ཡིག་བཞི་པས་བརྒྱན་པར་བྱ།། ལྔ་པའི་བཞི་པའི་ཡི་གེ་ལ།། གསུམ་པོའི་ལྔ་པ་སྦར་བར་བྱ།། བཞི་པའི་དང་པོའི་ཡི་གེ་ལ།། དབྱངས་ཡོག་བཞི་པས་བརྒྱན་པར་བྱ།། འབྱུང་བ་རླུང་གི
iiif viewer powered by OpenSeadragon
