| e-texts navigator |
| Wylie |
175a1 དང་པོའི་བཞི་པ་སྦྱར་བར་བྱ།། སྡེ་ཚན་བདུན་པའི་གསུམ་པ་ལ།། གསུམ་པའི་དང་པོས་འོག་ཏུ་སྦྱར།། ཡིད་བཞིན་ནོར་བུའི་ཡི་གེ་ལ།། བཞི་པའི་ལྔ་པ་ཟླ་བ་གཞག། དབྱངས་ཡིག་གསུམ
175a2 པས་བརྒྱན་པར་བྱ།། བཞི་པའི་གསུམ་པས་དེ་ནས་བརྗོད།། དཔོ་བྱ་སྒྲུབ་པའི་ཡི་གེ་ནི།། དེ་ཡི་རྗེས་ལ་བྲི་བར་བྱ།། གསང་སྔགས་དྲག་པོའི་ཡི་གེ་ཡང་།། ཀུན་གྱི་མཐར་ནི་བརྗོད་པར་བྱ།། གསང་སྔགས་འདི་ཡི
175a3 དངོས་གྲུབ་ནི།། འཇིག་རྟེན་དབང་ཕྱུག་ཉིད་ཀྱིས་བྱིན།། དགོས་པ་ཐམས་ཅད་འགྲུབ་པར་འགྱུར།། ཚོགས་བདག་ཆེན་པོའི་གསང་སྔགས་བསྟན་པའི་ལེའུ་སྟེ་དྲུག་པའོ།། ། དེ་ནས
175a4 གཞན་ཡང་གསུངས་པ་ནི།། དངོས་གྲུབ་ཐམས་ཅད་སྒྲུབ་པ་ཡི།། མཚན་གྱི་གསང་སྔགས་ཞེས་བྱ་བའི།། དངོས་གྲུབ་སྒྲུབ་པོའི་སྙིང་པོ་ནི།། དཔལ་དང་ཡཱ་གི་ཡི་གེ་སྟེ།། ཨོཾ་ཞེས་བྱ་བ་མགོ་ལ
175a5 གཞག། ཡིད་བཞིན་ནོར་བུའི་ཡི་གེ་ལས།། ཉི་མའི་ཡི་གེ་འོག་ཏུ་སྨྲསྤྲས།། དབྱངས་ཡིག་དྲུག་པའི་འོག་ཏུ་སྦྱར།། ཐིག་ལེ་ནཱ་དས་བརྒྱན་པར་བྱ།། མཚན་གྱི་དང་པོའི་ཡི་གེ་ནི།། དེ་ཡི་རྗེས་ལ་བརྗོད་པར
175a6 བྱ། བཞི་པའི་ལྔ་པ་དེ་ནས་སྦྱར།། ལྔ་པའི་དང་པོ་བྲི་བར་བྱ།། དེ་བཞིན་གཤེགས་པའི་མཚན་དང་པོ།། འབྱུང་བ་རླུང་གི་ཡི་གེ་ཡང་།། དབྱངས་ཡིག་བརྒྱད་པས་བརྒྱན་པ་ནི།། དེ་ཡི་རྗེས་ལ་བྲི་བར་བྱ།། ཞི་བའི
175a7 ཡིག་འབྲུ་གཉིས་པ་ཡང་།། ཀུན་གྱི་མཐར་ནི་བརྗོད་པར་བྱ།། མཚན་གྱི་གསང་སྔགས་ཞེས་བྱ་བ།། འདོད་པ་ཐམས་ཅད་གྲུབ་བྱེད་ཡིན།། མཚན་གྱི་གསང་སྔགས་བསྟན་པའི་ལེའུ་སྟེ་བདུན་པའོ།།
iiif viewer powered by OpenSeadragon
