| e-texts navigator |
| Wylie |
377b1 སྔགས་ཀྱི་ཡི་གེ་དགོད་པར་བྱ།། རྩིབས་རྣམས་རིམ་པས་ཀུན་མནར་པ།། གཉིས་པོ་དེ་ལས་འཕོས་ནས་སུ།། དེ་ནས་གསུམ་པའི་གནས་ལ་འདུག། མཐུ་རྩལ་ལྡན་པས་རིམ་པར་མནན།། ཁྲོ་བོ།
377b2 ཆེར་པོའི་ཚིག་གི་མཐར།། སྐྲད་པར་བྱོས་ཞེས་ཚིག་གཉིས་བསྐུལ།། དེ་ནི་སྔ་མ་བཞིན་བཀོད་ནས།། དེ་ཡི་ཐ་མར་བདུད་རྩི་འཁྱིལ།། ཁྲོ་བོ་བདུད་རྩི་འཁྱིལ་པའི་མཐར།། རབ་ཏུ་དྲག་པོའི་ཤུགས་གཞག་གོ།།
377b3 རྣམ་པར་སྐྲག་བྱེད་གསལ་བ་ཡིས།། ཁྲོ་བོ་ཚམ་རྔམ་བསྙེན་པར་གནས།། གླང་པོ་མྱོས་པའི་ཤུགས་ཅན་དག། མངོན་དུ་འོང་བར་གྱུར་ན་ཡང་།། དེ་མ་ཐག་ཏུ་སྐྲག་པར་བྱེད།། མྱོས་པའི་ཤུགས
377b4 ཀྱང་རབ་ཏུ་དོར།། སླད་དུ་ལོག་པར་ཕན་ཚུན་དུ།། བསྐོར་ཞིང་མི་དགའ་བཞིན་དུ་འགྲོ།། གླང་པོའི་རྒྱལ་པོ་དེ་མྱོས་ཤིང་།། བདེ་བ་མ་ཐོབ་བབས་པར་འགྱུར།། སྒྲུབ་པ་ཁྲོ་བོ་སྒོམ་པ་ཡི།།
377b5 གའི་ཚུལ་ནི་དེ་བཞིན་ནོ།། ཧེ་ལའི་འཁོར་ལོ་ཞེས་བྱ་བའི།། བཞི་པའི་གནས་ལ་འདུག་ནས་ཀྱང་།། ཁྲོ་བོ་ཆེན་པོའི་ཚིག་གི་མཐར།། ནོན་ཅིག་ཅེས་པའི་ཚིག་གཉིས་བསྐུལ།། དེ་ནས་ཆོ་ག་སྔར
377b6 བཤད་པས།། བདུད་རྩི་འཁྱིལ་པ་གཞག་པར་བྱ།། བདུད་རྩི་འཁྱིལ་པ་དེ་ཡི་མཐར།། ཁྲོ་བོ་ཆེན་པོ་སྟོབས་ཆེན་གཞག། ཀུན་ཏུ་སྡོམ་པ་མཛེས་པ་ཡི།། ཚམ་རྔམ་གྱིས་ནི་མི་གཡོར་མནན།།
377b7 དཔུང་ངམ་ཡང་ན་གླང་པོ་འམ།། གྲུ་འམ་ཡང་ན་ཤིང་རྟ་འམ།། རྟ་དང་རྔ་མོ་ལུག་ལ་སོགས།། ཁྲོ་བོ་བསྒོམས་པའི་ཚུལ་བཞིར་བྱས།། སྦྱོར་བ་དེ་ལ་གནས་ནས་ནི།། རབ་ཏུ་མན་པ་བྱས
iiif viewer powered by OpenSeadragon
