| e-texts navigator |
| Wylie |
312b1 དྲུག་གིས་ནི་མཛེས་པར་བྱས།། ཏྲི་ཤཱུ་ལ་རལ་གྲི་དབྱུག་དགྲ་སྟ།། སྦྱིན་པའི་ཕྱིར་ནི་ཕྱག་བརྐྱང་བ།། ལྕགས་ཀྱུ་ཡི་ནི་མཚོན་ཆ་དག། གཡས་པའི་ཕྱག་ན་དེ་བཞིན་བསྣམས།། དེ་བཞིན་གཡོན་པའི།
312b2 དྲུག་པོ་ཡང་།། ཐོད་པ་མདུང་ཐུང་མདའ་བོ་ཆེ།། མཛུབ་མོས་བསྡིགས་དང་ཞགས་པ་བསྣམས།། ཕྱག་ན་དབྱུག་ཏོ་བསམ་པར་བྱ།། མི་མགོ་རློན་དང་སྐམ་པོ་དང་། ཡི་དགས་འཕྲེང་བས
312b3 རྣམ་པར་བརྒྱར།། སྟག་གི་པགས་པའི་ན་བཟའ་གསོལ།། སྐུ་ཡང་ཆེ་ལ་གསུས་ཁྱིམ་ཆེ།། ཞལ་གྱི་དབྱིབས་ནི་དུ་མ་སྟེ།། སྒྲ་ནི་རྒྱ་མཚོ་འཁྲུགས་པ་འདྲ།། ཞལ་གཅིག་བཞད་ཅིང་ཞལ་གཅིག
312b4 ནི་ཞལ་གཅིག་འཇིགས་པར་བགྲད་པའི་ཞལ།། ཞལ་གཅིག་ཞལ་ནི་གདང་ས་པ་སྟེ།། ལྗགས་ཀྱང་བསྐྱོད་པར་མཛད་པ་དང་།། ཞལ་གཅིག་ཀྱང་ནི་མཆེ་བ་གཙིགས།། དེ་ལྟར་སྙིང་པོས
312b5 ལེགས་པར་ནི།། སྤྱན་དྲངས་མཆོད་ཡོན་དབུལ་བར་བྱ།། དེ་ནས་དྲི་དང་སྦྱར་བའི་ཆུས།། མཆོད་ཡོན་ཆོ་ག་བཞིན་ཕུལ་ནས།། ཡི་དགས་ཀྱི་ནི་སྤྱི་བོར་ཡང་།། མེ་ཏོག་དམར་པོ་གཞག་པར
312b6 བྱ་བློ་ཆེན་གྱིས་ནི་ཁྲོ་བོ་ལ།། དེ་ནས་ཙན་དན་དམར་པོ་དབུལ།། དྲི་ཡི་འོག་ཏུ་མེ་ཏོག་རྣམས།། ཙན་དན་གྱི་ནི་གཏོར་མ་དབུལ།། མེ་ཏོག་མེ་ཏོག་གཏོར་མ་དབུལ།། མེ་ཏོག་མེ་ཏོག
312b7 འཕྲེང་བ་རྣམས།། མེ་ཏོག་སྔགས་ཀྱིས་དབུལ་བར་བྱ།། མེ་ཏོག་སྔགས་ཀྱིས་རིམ་བཞིན་དུ།། མེ་ཏོག་ཆོ་ག་བཞིན་ཕུལ་ནས།། རང་གི་སྙིང་པོ་སྔགས་ཀྱིས་ཀྱང་།། ཁྲོ་བོ་ཡི་ན་སྤྱི་བོ་དང་།། ཁྲོ་བོ་གཙོ་བའི
iiif viewer powered by OpenSeadragon
