| e-texts navigator |
| Wylie |
308b1 ལྷ་ཐམས་ཅད་ཀྱིས་ཀྱང་སྲུང་བར་འགྱུར་རོ།། ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། གནོད་སྦྱིན་དང་། སྲིན་པོ་ཐམས་ཅད་ཀྱིས་ཀྱང་སྲུང་བར་འགྱུར་ཏེ། གང
308b2 ལ་སྨྲས་པ་དེ་དེའི་བྱ་བ་གྲུབ་པར་འགྱུར་རོ།། དེས་ཅི་བསམས་པ་དང་བྱེད་དུ་བཅུག་པ་རྣམས་ཀྱང་ལྷ་ལ་སོགས་པ་རྣམས་བྱེད་པར་འགྱུར་རོ།། དེའི་འདོད་པ་ཐམས་ཅད་ཀྱང་ཡོངས་སུ་རྫོགས་པར་འགྱུར་རོ།།
308b3 སུས་ཀྱང་ངག་མི་གཅོག་པར་ཡང་འགྱུར་རོ།། ལྷ་རྣམས་ཀྱིས་ཀྱང་དེའི་སྟོབས་དང་། གཟུགས་དང་། བསོད་ནམས་དང་། ལང་ཚེ་དང་། ནད་མེད་པ་དང་། རྒྱས་པ་འཕེལ་བར་བྱེད་དོ།། བགེག།
308b4 ཐམས་ཅད་ཀྱིས་ཀྱང་མི་ཚུགས་པར་འགྱུར་རོ།། མདོར་ར་དེ་བཞིན་གཤེགས་པའི་གྲོང་ཁྱེར་དུ་འཇུག་པར་འདོད་པ་རྣམས་རང་། དེ་བཞིན་གཤེགས་པའི་སངས་རྒྱས་ཀྱི་གྲུ་ཆེན་པོ་མཐོང་བར་འདོད་པ་རྣམས་དང་།
308b5 ཡོན་ཏན་ཕུན་སུམ་ཚོགས་པ་ཐམས་ཅད་ཐོབ་པར་འདོད་པ་རྣམས་དང་། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་བསླབ་པའི་གར་ཐབས་བྱེད་པ་ལ་འཇུག་པར་འདོད་པ་རྣམས་དང
308b6 བྱང་ཆུབ་སེམས་དཔའ་ཆེན་པོའི་ཆོས་ཉིད་ཀྱི་དམ་ཚིག་ཐོབ་པར་འདོད་པ་རྣམས་དང་། རྟག་པར་རྒྱུན་མི་འཆད་པ་དང་། བར་ཆད་མེད་པར་རྒྱུད་ཆེན་པོའི་དེ་ཁོ་ན་རྟོགས་པར་འདོད་པ་རྣམས་དང་།
308b7 བཞིན་གཤེགས་པའི་ཡོན་ཏན་གྱི་རྒྱན་གྱིས་བདག་ཉིད་བརྒྱན་པར་འདོད་པ་རྣམས་ཀྱི་ཡོན་ཏན་གྱི་ཚོགས་ཆེན་པོ་བསགས་པའི་ཕྱིར་དེ་བཞིན་གཤེགས་པ་རྣམས་ཀྱིས་བསྟོད་ཅིང་། བྱང་ཆུབ་སེམས་དཔའ་སེམས
iiif viewer powered by OpenSeadragon
