| e-texts navigator |
| Wylie |
308a1 ཚེས་བརྒྱད་དང་། བཅུ་བཞི་དང་བཅོ་ལྔ་ལ་བཅོམ་ལྡན་འདས་ལ་མཆོད་པ་བྱས་ལ། བསྙེན་གནས་དྲངས་ནས་གོས་དཀར་པོ་བགོས་ཏེ། སྦྱིན་པ་བྱས་ལ་བྱང་ཆུབ་ཀྱི་སེམས
308a2 ཆེན་པོ་བླངས་ནས་མི་སྡུག་པ་མེད་པར་ལག་པ་བརྐྱང་བ་དེས་རང་གི་ལག་གིས་དཀྱིལ་འཁོར་བྱས་ལ། མེ་ཏོག་ཁ་དོག་སྣ་གསུམ་གྱིས་མཆོད་ནས་ཙན་དར་དཀར་པོས་བདུགས་ལ། འཇིག་རྟེན་གྱི་ཁམས
308a3 སྟོང་ཕྲག་མཐའ་ཡས་པ་དག་ན་མཆོད་པ་དང་བཀུར་སྟི་ཆེན་པོ་རྣམ་པ་སྣ་ཚོགས་ཡོད་པ། དེ་བཞིན་གཤེགས་པ་རྣམས་ལ་འོས་པ་རྣམས་ཡིད་ལ་བསམས་ཏེ། སངས་རྒྱས་དང་བྱང་ཆུབ་སེམས
308a4 དཔའ་ཐམས་ཅད་ལ་ཕུལ་ནས། དེ་བཞིན་གཤེགས་པའི་སྙིང་པོ་སྟོང་ཆེན་པོ་འབར་བ་འབྱུང་བ་འདི་ནམ་དགའ་བ་ཆེན་པོ་སྐྱེས་ཀྱི་བར་དུ་བརྗོད་ན། བདག་ཉིད་དེ་བཞིན་གཤེགས་པ་རྣམས་ཀྱི་དྲུང་ན་འདུག
308a5 པ་ཤེས་ཤིང་། དེ་བཞིན་གཤེགས་པ་རྣམས་ཀྱི་ཟང་ཟིང་མེད་པའི་ཆོས་ཀྱི་ལོངས་སྤྱོད་ཆེན་པོའི་དགའ་བ་ཐོབ་པར་འགྱུར་ཏེ། དེ་ཕྱིན་ཆད་དེ་བཞིན་གཤེགས་པའི་རིགས་སུ་ཕྱིར་མི་ལྡོག་པར་སྐྱེས་པ།
308a6 ཡིན་ནོ།། ཚེ་རབས་གཞན་དུ་སོང་ནའང་བྱང་ཆུབ་སེམས་དཔའི་ས་ཆེན་པོ་ཐོབ་པར་འགྱུར་རོ།། རིག་སྔགས་འཆང་ཆེན་པོའི་འཁོར་ལོས་སྒྱུར་བའང་ཐོབ་པར་འགྱུར་རོ།། གཟུངས་ཀྱང
308a7 ཐོབ་པར་འགྱུར་རོ།། དེ་བཞིན་གཤེགས་པ་རྣམས་ཀྱང་མཉེས་པར་བྱེད་དོ།། མངོན་པར་ཤེས་པ་མི་ཉམས་པའང་ཐོབ་པར་འགྱུར་རོ།། ཚེ་འདི་ལའང་སེམས་ཅན་ཐམས་ཅད་དགའ་བར་འགྱུར་རོ།།
iiif viewer powered by OpenSeadragon
