| e-texts navigator |
| Wylie |
519a1 དེ་བཞིན་བདུད་རིས་གཞན་རྣམས་དང་།། དྲང་སྲོང་གཟི་བརྗིད་ཆེ་རྣམས་དང་།། རྫུ་འཕྲུལ་ཆེན་པོའི་ལྷ་རྣམས་དང་།། དེ་ཀུན་ས་སོར་འབྲང་བ་ཡི།། གཟུངས་འཛིན་དེ་ལ་སྲུང་བར་བྱེད།།
519a2 སངས་རྒྱས་བདག་ཉིད་ཆེ་རྣམས་དང་།། རིག་པའི་ལྷ་མོ་སྟོབས་ཆེན་དང་།། བདག་གི་མ་དང་ཁྲོ་གཉེར་དང་།། ལྷ་མོ་སྒྲོལ་མ་ལྕགས་ཀྱུ་དང་།། རྡོ་རྗེ་ལུ་གུ་རྒྱུད་དང་དཀར།། དེ་བཞིན་དཀར་མོ་ཆེན་མོ་དང་།། ནག
519a3 མོ་ཆེ་དང་ཕོ་ཉ་དང་།། དེ་བཞིན་རྡོ་རྗེ་ཕོ་ཉ་གཞན།། ཞགས་པ་བཟང་དང་རྡོ་རྗེ་ཞགས།། ལག་ན་རྡོ་རྗེ་སྟོབས་པོ་ཆེ།། རིག་པ་ལྷ་མོ་རྡོ་རྗེ་འཕྲེང་།། བདུད་རྩི་ཐབས་སྦྱོར་བྱེད་པ་དང་།། གཞན་གྱིས་མི་ཐུབ་ལྷ་མོ་ཆེ།།
519a4 རྣ་བ་ནག་མོ་སྟོབས་ཆེན་མོ།། དཔལ་ཡོན་ལྡན་པ་སྐལ་ཆེན་དང་།། རྣ་ཆ་གདུ་བ་ཀོར་པདྨ་འདྲ།། མེ་ཏོག་སོ་ཅན་ནོར་བུ་གཙུག། སྒྲ་མདོག་མཛེས་དང་ཁབ་པ་མོ།། ལྷ་མོ་གཟུང་རྗིད་ཆེན་མོ་དང་།། དཔལ་ཡོན་ལྡན་པ་བློས
519a5 འཕྲེང་ཅན།། སྲིན་མོ་རལ་པ་གཅིག་པ་དང་།། སངས་རྒྱས་བསྲུངས་ཞེས་བྱ་བ་དང་།། སྐལ་བ་ཆེན་པོ་མཐོང་ཅན།། ལང་གའི་བདག་པོ་དཔལ་ཡོན་ཅན།། གཞན་ཡང་ལྷ་མོ་མང་པོ་རྣམས།། སེམས་ཅན་རྗེས་སུ་འཛིན
519a6 བྱེད་དག། རིག་པ་གང་གི་ལག་ན་གནས།། དེ་ལ་སྲུང་བ་བྱེད་པར་འགྱུར།། འཕྲོག་མ་དང་ནི་ལྔས་རྩེན་དང་།། དུང་ཅན་དང་ནི་སོ་བརྩེགས་མ།། དཔལ་གྱི་ལྷ་མོ་དབྱངས་ཅན་ཡང་།། དེ་ཡི་རྗེས་འགྲོ་རྟག་ཏུ་སྲུང་།། སོ
519a7 སོར་འབྲང་བ་ཆེན་མོ་འདི།། བུད་མེད་གང་ཞིག་རྟག་འཆང་མ།། དེ་ཡིས་ཐམས་ཅད་འགྲུབ་པར་འགྱུར།། རྟག་ཏུ་མངལ་ན་བུ་པོ་ཆགས།། མངལ་རྣམས་ན་ཡང་བདེ་བར་སྐྱེས།། སྦྲུམ་མ་དག་ཀྱང་བདེ་བར་འགྱུར།། ནང་དང
iiif viewer powered by OpenSeadragon
