| e-texts navigator |
| Wylie |
507a1 རིངས་སོ།། རྨྱ་གར་ཉི་ཤུ་རྩ་བརྒྱད་ནི།། དེ་ལྟར་ཕྱོགས་ན་བདུན་བདུན་ནོ།། སྐར་མ་གཟའ་བདུད་དེ་བཞིན་ཏེ།། སྒྲ་གཅན་ལྔ་དང་མཇུག་རིངས་དང་།། རྫུ་འཕྲུལ་མེ་ཞིང་དཀའ་ཐུབ་མ། ཉིམ་དང་དི་ཏྲ།
507a2 བ་དང་སུང་ཅུ་རྩ་བདུན་ཚང་བ་དག། འཆར་བ་དང་ནི་ནུབ་པ་དང་།། འཁོར་ལོ་མཚོན་ཆ་བཞིན་དུ་རྒྱ།། འཇིག་རྟེན་དུ་ནི་ཟང་འཕེལ་བྱེད།། གཟི་ཆེ་རྫུ་འཕྲུལ་ཆེན་པོ་དག། རབ་ཏུ་ངང་བའི་སེམས་ཀྱིས་སུ།། རིག་སས
507a3 རྗེས་སུ་ཡི་རང་བྱོས།། དེ་དག་གིས་ཀྱང་རིག་སྔགས་ཀྱི་རྒྱལ་མོ་རྨ་བྱ་ཆེན་མོ་འདིས་དགེ་སློང་ས་རྀ་དང་། བདག་དང་། སེམས་ཅན་ཐམས་ཅད་ལ་སྲུང་བ་གྱིས་ཤིག། ལོ་བརྒྱ་འཚོ་བར་གྱུར་ཅིག། སྟོན་བརྒྱ་མཐོང
507a4 བབར་ཤོག་ཅིག། ཀུན་དགའ་བོ་དྲང་སྲོང་རྙིང་པ་བརྟུལ་ཞུགས་གྲུབ་པ། རིག་སྔགས་གྲུབ་པ། གྲགས་པ་འབར་བ་དང་། ཀླུང་དང་རི་ལ་གནས་པ། དམོད་པའི་མཚོན་མ་ཅན། དཀའ་ཐུབ་དྲག་པ། རྫུ་འཕྲུལ
507a5 དང་ལྡན་པ། མངོན་པར་ཤེས་པ་ལྔ་དང་ལྡན་པ། ནམ་མཁའ་ལ་འགྲོ་བ་དེ་དག་གི་མིང་བརྗོད་ཀྱིས། ཁྱོད་ཀྱིས་ཟུང་ཞིག། འདི་ལྟ་སྟེ། དྲང་སྲོང་ཆེན་པོ་རྒྱས་པ་ཞེས་བྱ་བ་དང་། དྲང་སྲོང་ཆེན་པོ་གཡོན་ཕྱོགས
507a6 པ་ཞེས་བྱ་བ་དང་། དྲང་སྲོང་ཆེན་པོ་གཡོན་ཕྱོགས་ལྷ་ཞེས་བྱ་བ་དང་། དྲང་སྲོང་ཆེན་པོ་ལྷ་སྐྱབས་ཀྱི་བུ་ཞེས་བྱ་བ་དང་། དྲང་སྲོང་ཆེན་པོ་འོད་ཟེར་ཅན་ཞེས་བྱ་བ་དང་། དྲང་སྲོང་ཆེན་པོ་བདུད་མདའི་བུ་ཞེས་བྱ་བ་དང
507a7 དྲང་སྲོང་ཆེན་པོ་ཀུན་གྱི་བཤེས་ཞེས་བྱ་བ་དང་། དྲང་སྲོང་ཆེན་པོ་གནས་འཇོག་ཅེས་བྱ་བ་དང་། དྲང་སྲོང་ཆེན་པོ་གྲོག་མཁར་བ་ཞེས་བྱ་བ་དང་། དྲང་སྲོང་ཆེན་པོ་འདྲོ་བ་སྐྱོང་གི་བུ་ཞེས་བྱ་བ་དང་། དྲང
iiif viewer powered by OpenSeadragon
