| e-texts navigator |
| Wylie |
469b1 ཕ་རོལ་གྱི་དཔུང་གི་ཚོགས་ཀྱི་མཚམས་སུ་བཅུ་གན་དཔུང་གི་ཚིགས་རེངས་པར་བྱེད་དོ།། སྔགས་གཉིས་ཀྱི་ཁ་སྦྱོར་དུ་བཅུག་ལ་ཡི་གེ་ཐ་ཟུང་གིས་ཡོངས་སུ་བསྐོར་བའི་ཕྱི་རོལ་དུ་ཡི་གེ་ལཾ་བརྒྱད།
469b2 ཀྱིས་བསྐོར་བ་དབང་ཆེན་གྱི་དཀྱིལ་འཁོར་གྱིས་ནོན་པ། སྣ་ཚོགས་རྡོ་རྗེས་ཉེ་བར་མཛེས་པར་བྱས་པ། གྲོག་མཁར་གྱི་འཇི་བ་ལས་བྱས་པའི་ཚོགས་ཀྱི་བདག་པོའི་ཁོང་པར་བཅུག་ནས་དུར་ཁྲོད
469b3 ཀྱི་བུམ་པའི་ནང་དུ་བཅུག་སྟེ་དུར་ཁྲོད་དུ་སྦས་པའམ། ཕུ་བ་མའི་སྦྱིན་སྲེག་གིས་ཕ་རོལ་གྱི་དཔུང་གི་ཚེགས་རེངས་པར་བྱེད་དོ།། མེ་ལ་མངོན་དུ་ཕྱོགས་ཤིང་སྔགས་འདིས་མངོན་པར་བསྔགས
469b4 བའི་ཆུ་སྙིམ་པ་བདུན་རབ་ཏུ་གཏོར་ན་ཁྱིམ་གང་སྲུང་བར་འདོད་པའི་ཁྱིམ་དེ་སྲུང་བར་བྱེད་དོ།། ཐལ་བས་སྲུང་བར་བྱེད་དོ།། ཐལ་བས་བཅིངས་པས་སྐྱུགས་པ་ལྡོག་པར་བྱེད་དོ།། མཐེའུ་ཆུང
469b5 གི་རྩེ་དམ་དུ་བཅིར་ལ་སྔགས་བརྗོད་པས་སྐྱིགས་བུ་མེད་པར་བྱེད་དོ།། ཐལ་བ་ལ་མངོན་པར་བསྔགས་པས་མིག་རེངས་པར་བྱེད་དོ།། འབྲུམ་བུ་ལ་སོགས་པ་རྣམ་པར་འཚེ་བ་ལ་བྱང་བུ་ལ་བྲིས་ཏེ
469b6 ཁྱིམ་གང་གི་སྒོར་བཏགས་པའི་ཁྱིམ་དེར་འབྲུམ་བུ་ལ་སོགས་པའི་རྣམ་པར་འཚེ་བ་ཟློག་པར་བྱེད་དོ།། ཉ་དང་། ཤ་དང་། ཆང་དང་། འབྲས་ཆན་ལ་སོགས་པ་སྦྱིན་པར་འགྱུར་བ་ལས་གྲོང་གི
469b7 ཕྱི་རོལ་གྱི་ཆར་གཏོར་མ་ཆེན་པོ་གཏང་བར་བྱ་བ་འམ། ཡམ་ཤིང་ལྔ་དང་། འབྲུ་ལྔའི་བྱེ་བྲག་མར་ལ་བཏགས་པས་གྲོང་གི་དབུས་སུ་ནི་བའི་ཐབ་ཁུང་དུ་བྱས་ལ་སྦྱིན་སྲེག་བྱས་ན་བདུད་དང་རྣམ་པར
iiif viewer powered by OpenSeadragon
