| e-texts navigator |
| Wylie |
322a1 བསྟན་ཏོ།། སེམས་ཅན་ནད་ཀྱིས་བཏབ་པ་ལ་དེ་ནད་ཚབས་མི་ཆེས་ཀྱང་སྨན་དང་རིམ་གྲོ་བྱེད་པ་དང་མི་ལྡན་ནམ། ཡང་ན་སྨན་པ་སྨན་མ་ཡིན་པར་བྱེད་པའང་ཡོད་དེ།།
322a2 འདི་ནི་དུས་མ་ཡིན་པར་འཆི་བ་དང་པོའོ།། དུས་མ་ཡིན་པར་འཆི་བ་གཉིས་པ་ནི། གང་དག་རྒྱལ་པོའི་ཆད་པས་འཆི་བའི་དུས་བྱེད་པའོ།། དུས་མ་ཡིན་པར་འཆི་བ་གསུམ་པ་ནི། གང
322a3 དག་ཧ་ཅང་བག་མེད་དེ་བག་མེད་པར་གནས་པ་དེ་དག་ལ་མི་མ་ཡིན་པ་དག་གིས་མདངས་འཕྲོག་པའོ།། དུས་མ་ཡིན་པར་འཆི་བ་བཞི་པ་ནི། གང་དག་མས་ཚིག་སྟེ་འཆི་བས་དུས་བྱེད་པའོ།། དུས
322a4 མ་ཡིན་པར་འཆི་བ་ལྔ་པ་ནི། གང་དག་ཆུས་འཆི་བའོ།། དུས་མ་ཡིན་པར་འཆི་བ་དྲུག་པ་ནི། གང་དག་སེང་གེ་དང་། སྟག་དང་། ཝ་དང་། སྦྲུལ་དང་། གཅན་གཟན་ཁྲོ་བའི
322a5 ནང་དུ་ཆུད་དེ་འཆི་བའོ།། དུས་མ་ཡིན་པར་འཆི་བ་བདུན་པ་ནི། གང་དག་རི་ཁ་ནས་གཡང་དུ་ལྷུང་བའོ།། དུས་མ་ཡིན་པར་འཆི་བ་བརྒྱད་པ་ནི། གང་དག་དུག་དང་། བྱད་དང
322a6 རོ་ལངས་ཀྱི་སྦྱོར་བས་གསོད་པའོ།། དུས་མ་ཡིན་པར་འཆི་བ་དགུ་པ་ནི། གང་དག་ཟས་དང་སྐོམ་མ་རྙེད་ནས་བཀྲེས་པ་དང་སྐོམ་པས་ཉེན་ཏེ་འཆི་བའི་དུས་བྱེད་པའོ།། མདོར་ན
322a7 འདི་དག་ནི་དེ་བཞིན་གཤེགས་པས་དུས་མ་ཡིན་པར་འཆི་བ་ཆེན་པོར་བསྟན་པ་སྟེ། གཞན་ཡང་དུས་མ་ཡིན་པར་འཆི་བ་ནི་གྲངས་མེད་དཔག་ཏུ་མེད་དོ།། དེ་ནས་འཁོར་དེར་གནོད་སྦྱིན་གྱི
iiif viewer powered by OpenSeadragon
