| e-texts navigator |
| Wylie |
270b1 མ་ལྟ་བུ་ཡི།། རང་བཞིན་དཔལ་བེའུ་ཧཱུཾ་དང་ནི།། ཡེ་ཤེས་སེམས་དཔའི་ཐུགས་དཀྱིལ་ལས།། སྔགས་ཀྱི་འཁོར་ལོ་བསྐོར་བར་བྱ།། དེ་ཡི་དབུས་སུ་བསྒྲུབ་བྱ་གཞག། ཧཱུཾ་ལས་བསྐྱེད་པ
270b2 ཕུར་བུ་ནི།། དེ་ཡི་ལྕེ་ལས་བརྟེན་པར་བྱ།། གུ་གུལ་ནག་པོའི་སྤོས་ཀྱིས་ནི།། དེ་ཡི་སྔ་ནས་བདུག་པར་བྱ།། སྔགས་རྒྱལ་ནཱ་ག་བོར་ན་ས་ནི།། མཱར་ཛི་ཧྲི་གཞུག་པོར་བྱ།། དེ་ནི་རིགས་ངན་ཐོང་བར
270b3 གཞུག། མཆོད་རྟེན་འོག་ཏུ་མནན་པར་བྱ།། དེ་སྟེང་དུག་གསུམ་མགོ་བོ་ནི།། ཨོཾ་ཨཱཿཧཱུཾདར་དཀར་གཅིག་གིས་པུར་བྱས་ལ།། རིམ་པ་དང་པོར་གཞུག་པར་བྱ།། དེ་སྟེང་རིམ
270b4 པ་ལྔ་པ་ལ།། ཤ་ཆེན་ལ་སོགས་ལྔ་པོ་དག། ཧཱུཾ་ཏྲཱཾ་ཧྲཱིཿཱ་ཨ་ར་རོག་ཁ་རུ་གཞུག་པར་བྱ།། རིམ་པ་བཞི་པ་དག་ལ་ནི།། འཁོར་ལོ་གཞུག་པར་བྱ་བ་སྟེ།། ཡཾ་ལས་རླུང་དང་རཾ་ལས
270b5 མེ།། དེ་ལྟར་འཁོར་ལོ་རྩིབས་བརྒྱད་བྲི།། དེ་སྟེང་ཉི་མ་ཟླ་བ་སྟེ།། འཁོར་ལོ་དབུས་ཀྱི་ལྟེ་བ་ལ།། དགྲ་བོའི་མགོ་བོ་ཐུར་བསྟན་བྲི།། དེ་ཡི་སྙིང་ཁར་མིང་བྲིའོ།། འཁོར་ལོ་ཡི་ནི་རྩིང
270b6 བརྒྱད་དེ།། རྩིབས་ལ་སྔགས་ཀྱིས་བསྐོར་བར་བྱ།། མིང་ལས་བསྒྲུབ་བྱ་ཧཱུཾ་ལས་སྟོན།། འོག་གི་ལས་ནི་གཉིས་ཀྱང་བྲི།། ཁྲ་དང་སྤྱང་ཀི་ལ་སོགས་པའི།། ཐོད་པར་གཟུགས
270b7 བརྙན་བཅུག་ནས་ནི།། ཡུངས་ཀར་དག་གིས་བྲབ་བྱས་ལ།། རང་གི་འོག་ཏུ་མནན་པར་བྱ།། གུ་གུལ་ནག་པོའི་སྤོས་དག་གིས།། དེ་ཡི་སྔ་ནས་བདུག་པར་བྱ།། སེང་ལྡེང་བུར
iiif viewer powered by OpenSeadragon
