| e-texts navigator |
| Wylie |
269b1 དེ་ནས་མི་མཇེད་ཀྱི་འཇིག་རྟེན་གྱི་ཁམས་ཀྱི་ཕྱག་ན་རྡོ་རྗེ་རྣམས་ཀྱིས། བཅོམ་ལྡན་འདས་རྡོ་རྗེ་འཛིན་པ་ལ་མཆོད་པ་ཐམས་ཅད་ཀྱིས་མཆོད་ནས་ཕྱག་འཚལ་ཏེ་གསོལ་བ་བཏབ་པ། དེ་ནས།
269b2 སྔགས་སྙིང་ཀུན་འདུས་པ།། སེམས་ཅན་ཀུན་ལ་ཕན་པའི་ཕྱིར།། སྟོན་པ་དཔལ་ལྡན་རྡོ་རྗེ་འཛིན།། རིག་སྔགས་གཅོད་བྱེད་བཤད་དུ་གསོལ།། དེ་ནས་སྟོན་པ་རིག་སྔགས་གཅོད།
269b3 གསུང་ནི་འདི་སྐད་བཀའ་སྩལ་ཏོ།། དང་པོ་བསྙེན་པ་བྱ་བ་སྟེ།། མཆོད་རྟེན་སྔོན་པོ་བརྩིག་པ་དང་།། རས་རིས་ལ་སོགས་བྲི་བ་སྟེ།། ལྕེ་ཡི་སྒྲིབ་པ་སྦྱང་བའི་ཕྱིར།། ཡི་གེ་བརྒྱ་པས།
269b4 བཤགས་པ་བྱ།། དེ་ནས་ཚངས་པའི་གནས་བཞི་བསྒོམ།། སྟོང་པ་ཉིད་ལས་འདི་གསུམ་མཐའ།། ཡོངས་སུ་གྱུར་པས་རྡོ་རྗེ་སྟེ།། དེ་ལ་བཛྲ་པཱ་ཎི་ས་མཚན།། ལྟེ་དབུས་སྔགས
269b5 ལ་ལྔ་སྤྲོ་བསྡུ།། བྱས་པས་ཕྱག་ན་རྡོ་རྗེར་གྱུར།། ལྷ་ཡི་སྐུ་མདོག་རྒྱན་ལ་སོགས།། རྩ་བའི་རྒྱུད་ལས་ཤེས་པར་བྱ།། བདག་ཉིད་ཐུགས་ཀའི་དཔལ་བེའུ་ལས།། འོད་ཟེར་འཕྲོས་པས་བཅོམ
269b6 ལྡན་བསྡུ།། འོད་ཟེར་གཉིས་པའི་རྩེ་མ་ལས།། མཆོད་པ་རྣམ་པ་བཅུ་སྤྲོས་ཏེ།། བཅོམ་ལྡན་ཚོགས་ལ་མཆོད་པ་བྱ།། དེ་ནས་ཡང་དག་བསྟོད་བྱས་ལ།། འོད་ཟེར་གསུམ་པས་སྙིང་ཁར
269b7 གཞུག། སྙིང་ཁའི་མཚན་མ་ཟླ་དཀྱིལ་ཐིམ།། བཛྲ་ཉི་ཤུ་གཅིག་དབུས་གནས།། དེ་ལ་སྔགས་རྒྱལ་བསྐོར་བར་བྱ།། སྔགས་ནི་རྣམ་པ་བཞི་རུ་བཤད།། མིང་དང་དོན་དང
iiif viewer powered by OpenSeadragon
