| e-texts navigator |
| Wylie |
269a1 ཆོས་བརྒྱད་ནས་བཟུང་སྟེ།། བྲིས་ནས་དེ་ནུབ་ནས་བཟུང་བ།། བཅུ་བནིའི་བར་དུ་བསྙེན་པར་བྱ།། བཅོ་ལྔའི་ནུབ་མོ་སྒྲུབ་པ་སྟེ།། དཀྱིལ་འཁོར་མ་ལུགས
269a2 ལྡན་པ་ལ།། ལྷ་སྣམ་སྟེང་དུ་པུས་བཙུགས་ལ།། ཆོ་ག་བཞིན་དུ་བསྐྱེད་པར་བྱ།། འཁོར་ལོ་དག་ལ་གསང་བྱས་ལ།། འཁོར་ལོ་སྟོང་པ་ཉིད་དུ་བསྒོམ།། སྟོང་པ་ཉིད་ལས་ཧཱུཾ་བྱུང་སྟེ།། དེ་ཞུ་བ་ལས་།
269a3 རྗེ་ནི། བཛྲ་པཱ་ཎི་ས་ལྟེ་བར་མཚན།། དེ་ལས་འཕྲོ་དང་འདུས་པ་ལས།། ཕྱག་ན་རྡོ་རྗེའི་སྐུར་བསྐྱེད་ལ།། དེ་སྙིང་ཟླ་བ་རྡོ་རྗེས་མཚན།། རྡོ་རྗེ་ལྟེ་བར་ཧཱུཾ་མཚན་ལས།། འོད་ཟེར་སྤྲོས་ཏེ་གོས་སྔོན
269a4 བསྡུ།། དེ་ལ་མཆོད་པ་སྣ་ཚོགས་མཆོད།། བསྟོད་དང་བདུན་པོ་བྱས་ནས་ཀྱང་།། འོད་ཟེར་དག་གིས་བཀུག་བྱས་ལ།། རང་སྙིང་རྡོ་རྗེ་ཧཱུཾ་ལ་ཐིམ།། དེ་ལ་མཆོད་བསྟོད་སྣ་ཚོགས་བྱ།།
269a5 རྡོ་རྗེ་དག་ལས་ཡེ་ཤེས་དམ་པ་ཡིས།། མེ་བྱུང་བས་ནི་རྡོ་རྗེ་ཞུ་གྱུར་ནས།། འཁོར་ལོའི་རྣམ་པར་གྱུར་པར་བསམ།། སྐུ་ནི་སྐུ་ཡི་རྣམ་པ་སྟེ།། མཚན་མ་མཚན་མའི་རྣམ་པར་རོ།། ས་དེ་སྡུས་པ
269a6 ཀིར་ཏི་དང་།། བསྲེགས་པའི་ནང་དུ་འཁོར་ལོ་གཞུག། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བསྟོད་པ། སེམས་ཅན་རྣམས་ལ་ཕན་གདགས་ཕྱིར།། སྟོན་པ་ཁྱབ་བདག་རྡོ་རྗེ
269a7 འཛིན།། གདུལ་དཀའ་ཐམས་ཅད་འདུལ་བ་ཡི།། སྲུང་བའི་འཁོར་ལོ་ངོ་མཚར་ཆེ།། འཇིག་རྟེན་གསུམ་འདུལ་བའི་རྒྱུད་ལས། ས་འོག་འདུལ་བ་སྟེ་ལེའུ་གཉིས་པའོ།། །
iiif viewer powered by OpenSeadragon
