| e-texts navigator |
| Wylie |
265a1 པ་བསྒོམ།། སེམས་སྐྱོང་སྔ་མ་རིག་པ་ཡིས།། རྒྱུད་ཉིད་དུ་ནི་འདོད་པ་ཡིན།། གང་ལ་སེམས་ནི་དྲི་མེད་པ།། རྟོག་པའི་དྲི་མས་ནག་པོར་བྱས།། དེ་ལ་སྤང་བ།།
265a2 བློ་མེད་པ།། རྟོག་པའི་བློ་ཅན་འཁོར་བ་ཡིན།། དེ་ཕྱིར་ཤཱཀྱའི་རིགས་ཅན་རྣམས།། ས་འོག་ཏུ་རྒྱུ་བའི་ཀླུའི་རྟོག་པ་ལ་སོགས་པ་ཚར་གཅོད་པའི་ཕྱིར་སྦྱོར་བ་རྣམས་ལ་གུས་པར་བྱའོ།།
265a3 རྡོ་རྗེས་གསུམ་དུ་རྒྱུ་བ་ལས་རྟོག་པ་ལྔ་པ་རྫོགས་སོ།། ། དབང་ཕྱུག་དམ་པའི་མངའ་བདག་ཁྲི་སྲོང་ལྡེ་བཙན་གྱིས་བཀའ་ཁྲིམས་སུ་དཔལ་དཔེ་མེད་ལྷུན་གྱིས
265a4 གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་ཀུ་མཱ་ར་བཛྲ་དང་ར་བྱིད་ལོ་ཙ་བས་བསྒྱུར་བའོ།། @རྒྱ་གར་སྐད་དུ་ཨཱརྱ
265a5 ནཱི་ལཱམྦ་ར་དྷ་ར་བཛྲ་པཱ་ནི་ཀལྤ་ནཱ་མ་དྷཱ་ར་ཎི། བོད་སྐད་དུ། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་ཞེས་བྱ་བའི་གཟུངས་དཀོན་མཆོག་གསུམ་ལ་ཕྱག་འཚལ་ལོ།།
265a6 གནོད་སྦྱིན་གྱི་སྡེ་དཔོན་ཆེན་པོ་ལག་ནི་རྡོ་རྗེ་གོས་སྔོན་པོ་ཅན་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱིས་རྗེས་སུ་གནང་བ་མཆེ་བ་གཙིགས་པ་དང་འཚམ་པ་མིག་མེ་མངག་གི་ཕུང་པོ
265a7 འདྲ་བ། དབུགས་མེ་ལྕེ་ལྟར་འབར་བ། འཇིགས་པའི་ང་རོ་ཅན། ལྷག་པ་དང་རྐང་པ་ཀླུ་ནོར་རྒྱས་ཀྱི་བུས་བརྒྱན་པ། ཀླུ་ནག་པོ་སེ་རལ་ཁར་ཐོགས་པ། ཀླུ་དགའ་བོ་དང་ཉེ་དགའ
iiif viewer powered by OpenSeadragon
