| e-texts navigator |
| Wylie |
259a1 ། ཡང་ནི་མེ་ཡིས་བོན་དང་།། ལྔ་པ་ཡི་ནི་གསུམ་པ་དང་།། གཉིས་པ་ཡི་ནི་གསུམ་པ་མ།། འོག་ཏུ་མེ་ཡིས་བོན་ནོ།། ལྔ་པའི་དང་པོ་ཉིད་དང་ཡང་།། གསུམ་པའི་རྫབ་ལྔ་པ།
259a2 ལ།། དབྱངས་ཡིག་གསུམ་པས་བརྒྱན་པ་དང་།། དེ་ནས་རྡོ་རྗེ་སེམས་དཔའ་དང་།། ལག་ན་རྡོ་རྗེའི་སྙིང་པོའོ།། ལྔ་པ་ཡི་ནི་གཉིས་པ་ལ།། གསུམ་པའི་དང་པོ་མཐར་གཞག་པ།། འདི་རྣམས་རིག་སྔགས
259a3 དབང་བྱེད་པ།། གངྒཱ་ཀླུང་བཅུའི་བྱེ་སྙེད་ཀྱི།། སངས་རྒྱས་ཁྲོ་བོ་བྱང་ཆུབ་སེམས།། འབྱུང་པོར་བཅས་པ་འགུགས་མཛད་དོ།། རིག་སྔགས་རྣམས་ནི་ལྷ་ཉིད་དེ།། སྟོང་དང་སྙིང་རྗེ་འདྲེས་པ་ཡི།། ལྷ
259a4 འདི་སྙིང་ཁའི་སྦྱོར་བ་རུ།། ལེགས་པར་བཞག་པ་བསམ་པར་བྱ།། ལུགས་སུ་བྱུང་དང་བཟློག་པ་ཡི།། སྔགས་འདི་བཟླས་དང་བྲི་བར་བྱ།། ཨོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་ཧཱུཾ་ཕཊ། རིག་སྔགས
259a5 འབུམ་ཕྲག་བཟླས་པ་དང་།། ཡི་གེ་རེ་ལ་འབུམ་ཕྲག་དང་།། དེ་ལས་ལྷག་པའི་སྦྱོར་བ་ཡིས།། སྒྲུབ་པ་པོ་ཡི་བསམ་པ་ནི།། ཞི་དང་རྒྱས་དང་དབང་དགུག་དང་།། བསྐྲད་དང་དབྱེ་རེངས་གསད་པ
259a6 དང་།། ལས་ནི་གང་གང་འདོད་པ་དེས།། སྙིང་ཁར་སྦྱོར་བ་རིམ་བཞིན་སྒྲུབ།། ལུས་རྩ་སྙིང་རྗེར་ལྡན་པ་ཡིས།། རང་ལུས་ལྷ་དང་བླ་མ་ལ།། ཕྱག་སོགས་བྱ་བ་སྔོན་འགྲོ་བས།། རིག་པའི
259a7 ཁྲོ་བོ་བསྒོམ་པར་བྱ།། དང་པོར་སྟོང་ཉིད་རྣམ་བསམ་སོ་ལ།། ལུས་ཅན་རྣམས་ཀྱི་དྲི་མ་བཀྲུ།། རང་གི་སྙིང་ཁར་དབྱངས་ཡིག་ནི།། དང་པོ་ལས་བྱུང་ཟླ་བ་ལས།། ཧཱུཾ་ཡིག་སྔོན་པོ་རྣམ་པར།
iiif viewer powered by OpenSeadragon
