| e-texts navigator |
| Wylie |
49a1 ནི་བསྐྱེད་དུ་གསོལ།། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བདེ་བ་ཆེན་པོ་མི་ཕྱེད་པའི་རྣམ་པར་གནོན་པ་མཛད་ནས། བཅོམ་ལྡན་འདས་ཀྱི
49a2 སྐུ་དང་། གསུང་དང་།། ཐུགས་རྡོ་རྗེ་རྡོ་རྗེ་ཐམས་ཅད་ལ་རབ་ཏུ་ཞུགས་ནས་ཐམས་ཅད་ཀྱི་བདག་ཉིད་མཉམ་པར་སྤྲོས་ནས།། བདེ་བ་ཆེན་པོ་རྡོ་རྗེ་ཕྱག་རྒྱའི་གཟུངས་འདི་གསུངས་སོ།། ཨོཾ་དྷཾཿདེ་ནས་འདི་ནི་གསུངས
49a3 ཙམ་གྱིས།། རྣམ་པ་དྲུག་ཏུ་གཡོས་གྱུར་ཏེ།། སངས་རྒྱས་སྲས་དང་བཅས་པ་ཀུན།། ཀུན་ནས་འདུས་ཤིང་བསྟན་པར་བྱ།། དཀྱིལ་འཁོར་ཆེན་པོའི་སྦྱོར་བ་ཡིས།། ཐམས་ཅད་འགྲུབ་ཕྱིར་ཀུན་ནས་བཞུགས།། བཞད
49a4 པ་ཆེན་པོའི་ཁྱད་པར་གྱིས།། རྨད་བྱུང་ཆེན་པོ་རབ་ཏུ་བཞད།། དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་སེམས་དཔའ་དེ་བཞིན་དུ་རྡོ་རྗེ་ལ་སྙོམས་པར་ཞུགས་ཏེ། བདེ་བ་ཆེན་པོའི་དམ་ཚིག་རྡོ་རྗེ་གསང
49a5 བ་ཞེས་བྱ་བའི་གཟུངས་ཀྱི་དཀྱིལ་འཁོར་འདི་གསུངས་སོ།། ཇི་ལྟར་ཆོས་ཀྱི་བྲི་ནས་ནི།། རྒྱལ་བ་གཡོན་དུ་བསྙེམས་འཛིན་པ།། དམ་ཚིག་མཆོག་གི་མཆོག་བཀོད་ནས།། ས་མ་ཡ་སྟྭཾ་ཞེས་བརྗོད་དོ།། དེ་བཞིན
49a6 གཤེགས་པ་སྲས་དང་བཅས།། རྡོ་རྗེ་མཚོན་ཆ་ལ་སོགས་གཟུང་།། བྱང་ཆུབ་སེམས་དཔའ་སེམས་དཔའ་ཆེ།། མེ་ཏོག་ལ་སོགས་སྤྱིར་ཐལ་སྦྱར།། དེ་ལ་འཇུག་ལ་སོགས་པ་ཡི།། ཆོ་ག་རྒྱས་པའི་ཁྱད
49a7 པར་ནི་འདི་ཡིན་ཏེ། དེ་བཞིན་གཤེགས་པ་ཐམས་ཅད་ལ་ཕྱག་བྱ་བའི་ཕྱག་རྒྱ་དང་། རྡོ་རྗེ་གླུ་འདིས་འཇུག་པར་བྱའོ།། རྡོ་རྗེ་སེམས་དཔའ་བསྡུས་པ་ཡིས།། རྡོ་རྗེ་རིན་ཆེན་བླ་ན་མེད།། རྡོ་རྗེ་ཆོས་ནི་གླུར
iiif viewer powered by OpenSeadragon
