| e-texts navigator |
| Wylie |
47a1 ཆུ་མེད་པར་ཆུའི་ཕུང་པོ་ཆར་བསིལ་ཞིང་དྲི་མ་མེད་པར་བསྐྱེད་པ་ལ་ནི་བདེ་བ་ཆེན་པོ་རྡོ་རྗེ་ཀླུའི་ཕྱག་རྒྱས་སོ།། མུན་པར་ཉི་མའི་སྣང་བ་ཆེན་པོ་བསྐྱེད་པ་ལ་ནི་རྡོ་རྗེ་ཉི་མའི་ཕྱག
47a2 རྒྱས་སོ།། རླུང་ཐམས་ཅད་དབང་དུ་བྱ་བ་ལ་ནི་རྡོ་རྗེ་རླུང་ཐམས་ཅད་ཀྱིས་སོ།། ནམ་མཁའ་ལ་གཟུགས་ཐམས་ཅད་ཀུན་ཏུ་སྟོན་པ་ལ་ནི་རྡོ་རྗེ་གསང་བའི་འཛིན་པས་སོ།། ནམ་མཁའ་ལས་དངོས་པོ་ཐམས
47a3 ཅད་འབྱུང་བར་བྱ་བ་ལ་ནི་རྡོ་རྗེ་གསང་བའི་འབྱུང་བས་སོ།། ནམ་མཁའ་ལ་རང་གི་བདག་ཉིད་ཀྱི་དངོས་པོ་ཀུན་ཏུ་བསྟན་པར་བྱ་བ་ལ་ནི་རྡོ་རྗེ་གསང་བའི་རྫུ་འཕྲུལ་གྱིས་སོ།། ནམ་མཁའ་ལ་དེ་བཞིན
47a4 གཤེགས་པ་དང་།། རྡོ་རྗེ་འཛིན་པ་ལ་སོགས་པ་བྱང་ཆུབ་སེམས་དཔའ་ཐམས་ཅད་དང་། འཇིག་རྟེན་གྱི་ཁམས་ཐམས་ཅད་བསྟན་པ་ལ་ནི་རྡོ་རྗེ་གསང་བའི་རྣམ་པར་འཕྲུལ་པས་སོ།། ནམ་མཁའི
47a5 ཤིང་ཐམས་ཅད་ལོ་མ་དང་། མེ་ཏོག་དང་། འབྲས་བུ་ཐམས་ཅད་འབྱུང་བ་ལ་ནི་རྡོ་རྗེ་གསང་བའི་དུས་ཀྱི་ཕྱག་རྒྱས་སོ།། སའི་ཆ་ཐམས་ཅད་ལ་འབྲས་བུའི་ཆ་ཐམས་ཅད་སྨིན་པར་འགྱུར་བ་ལ་ནི་རྡོ་རྗེགས།
47a6 བའི་གཤེལ་གྱི་ཕྱག་རྒྱས་སོ།། ཐམས་ཅད་ལྷའི་ཁ་ཟས་དང་། བཟུང་བ་དང་། གོས་དང་། རྒྱན་དང་། གནས་གསར་པ་དང་། བུ་མོ་གཞོན་ནུ་འབྱུང་བ་དང་། སྐྱེས་པ་དང་། བུད་མེད་དང་། བྲན་པ་དང་། དྲན
47a7 མོ་ཐམས་ཅད་འབྱུང་བར་བྱ་བ་ལ་ནི་བདེ་བ་ཆེན་པོ་རྡོ་རྗེ་དམ་ཚིག་གི་བསོད་ནམས་ཀྱི་ཆུ་བོས་སོ།། གཡུལ་དུ་དཔུང་གི་ཚོགས་ཡན་ལག་བཞི་པ་བསྟན་ཏེ་གཡུལ་འགྱེད་པ་ལ་ནི་རྡོ་རྗེ་བདེ་བ་ཆེན་པོའི་སྡོམ་པས་སོ།།
iiif viewer powered by OpenSeadragon
