| e-texts navigator |
| Wylie |
33b1 པར་བྱའོ།། ཞུགས་ནས་ཀྱང་སྙིང་པོ་བཟླས་པར་བྱའོ།། དེ་ནས་སློབ་མ་དེ་བཞིན་དུ་བཅུག་ལ་ལག་པར་མདུང་རྩེ་གསུམ་པ་བྱིན་ལ་ཆོས་བཤད་པར་བྱའོ།། སེམས་ཅན་ཀུན་ལ་ཕན་ཕྱིར་དང་།
33b2 བསྟན་པ་ཐམས་ཅད་སྲུང་ཕྱིར་དང་།། འདོད་ཀུན་བདག་པོ་ཉིད་ཕྱིར་དང་།། དྲག་པའི་ལས་ལ་གནས་པར་གྱིས།། དེ་ནས་ཕྱག་རྒྱའི་ཡེ་ཤེས་བསླབས་ཏེ་གཏོར་མ་སྦྱིན་པར་བྱའོ།། དེ་ནས
33b3 བརྩམས་ཏེ་འཇིགས་པ་མེད་པར་དངོས་གྲུབ་ཐམས་ཅད་དང་། ཕུན་སུམ་ཚོགས་པ་ཐམས་ཅད་ཀྱིས་བདེ་བ་དང་། ཡིད་བདེ་བ་དང་། ཐམས་ཅད་རྗེས་སུ་མྱོང་ནས་དྲག་པོའི་འཇིག་རྟེན་དུ་མཆོད་པར་འགྲུ
33b4 རོ། དཀྱིལ་འཁོར་ཆེན་པོ་ཞི་བའི་མདུང་ཐུང་གི་མཚན་མ་ཞེས་བྱའོ།། དེ་ནས་མ་མོ་ཐམས་ཅད་ཀྱིས་བཅོམ་ལྡན་འདས་ལ་ཕྱག་འཚལ་ཏེ། དང་པོ་མགྲིན་གཅིག་ཏུ་ཐམས་ཅད་དགུག་པ་དང
33b5 གཞུག་པ་དང་། གསད་པ་དང་། སྒྲུབ་པའི་དམ་ཚིག་ཅེས་བྱ་བ་རང་གི་དེ་ཁོ་ནའི་སྙིང་པོ་འདི་ཕུལ་ལོ།། བྷྱོ། དེ་ནས་འདིའི་དཀྱིལ་འཁོར་བཤད་པར་བྱའོ།། ཟུར་བཞི་པ་བྱང་གི་སྒོ་ཅན་གྱི་དཀྱིལ་འཁོ།
33b6 ཐིག་བཏབ་ལ། དབུས་སུ་ནག་པོ་གར་བྱེད་བཞིན་པ་གཞག་པར་བྱའོ།། དེའི་ཕྱོག་དང་མཚམས་ཐམས་ཅད་དུ་མ་མོ་བརྒྱད་བྲི་བར་བྱའོ།། འདི་ལྟ་སྟེ། དྲག་མོ་དང་། ཚངས་པ་མོ་དང་། ཁྱབ་འཇུག
33b7 མོ་དང་། གཞོན་ནུ་མོ་དང་། ནག་མོ་དང་། ནག་མོ་ཆེན་མོ་དང་། ཟབ་མོ་དང་སྲིན་མོའོ།། དཀྱིལ་འཁོར་གྱི་ཕྱིའི་མཚམས་རྣམས་སུ་ནི་དྲག་པོའི་མཁའ་འགྲོ་མ་བཞི་བྲི་བར་བྱ་སྟེ། ཞི་བ་མོ་དང་བེ
iiif viewer powered by OpenSeadragon
