| e-texts navigator |
| Wylie |
31b1 རོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སྲུང་བ་པོ་གནོད་སྦྱིན་གྱི་བདག་པོ་ཕྱག་ན་རྡོ་རྗེ་གཏུམ་པོར་བདག་གྲུབ་པ་ཡིན་ནོ་ཞེས་ཤེས་པར་བྱའོ།། དེ་ནས་ཕྱག་རྒྱ་ཐམས་ཅད་བཅིང་།
31b2 བར་བྱ་ཞིང་བསྒྲུབ་པར་བྱའོ།། དེ་ནས་མཆོད་པ་ལ་དེ་བཞིན་དུ་ཡང་དག་པར་ཚིམ་པར་བྱས་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ལན་ཅིག་བརྗོད་ལ་སླར་དཔུང་བར་བྱའོ།། དེ་བཞིན་དུ་ཕྱག
31b3 རྒྱ་བཅིང་བ་ལ་སོགས་པ་ཆོ་ག་རྒྱས་པ་ནི་དང་པོ་ལ་སོགས་པའི་དཀྱིལ་འཁོར་ཐམས་ཅད་དུ་བྱའོ།། ཕྱག་ན་རྡོ་རྗེའི་དཀྱིལ་འཁོར་རོ།། སྒྲུབ་པ་དང་དངོས་གྲུབ་རྣམས་ཀྱང་དེ་བཞིན་ཏེ། མ་བསྒྲུབས་པར་ཡང
31b4 དང་པོ་ཇི་ལྟ་བ་བཞིན་ནོ།། གདུག་པ་ཐམས་ཅད་འདུལ་བ་ལ་ནི་རྡོ་རྗེ་མཆེ་བའི་ཕྱག་རྒྱས་སོ།། སེམས་ཅན་ཐམས་ཅད་འདུལ་བ་ལ་ནི་ཁྲོ་བས་ཧ་ཧ་ཞེས་དགོད་ཅིང་ཟློས་པས་སོ།། ཉན་ཐོས་དང་རང་སངས
31b5 རྒྱས་ཀྱི་འདོད་ཆགས་དང་བྲལ་བ་ལས་ལྷུང་བར་བྱ་བ་ལ་ནི་ཆོས་གོས་དང་སྣམ་སྦྱར་གྱི་སྦྱིན་སྲེག་གིས་སོ།། དབང་བསྐུར་བ་ཐམས་ཅད་དབྲོག་པ་ལ་ནི་ཁམས་ཐམས་ཅད་ཀྱི་ཕྱེ་མའི་སྦྱིན་སྲེག་གིས
31b6 སོ།། ཐམས་ཅད་རྒྱུས་གདབ་པ་ལ་ནི་རྡོ་རྗེ་ཁུ་ཚུར་གྱི་ཕྱག་རྒྱས་སོ།། ཐམས་ཅད་གཅད་པ་ལ་ནི་གཟུགས་བརྙན་བྱས་ནས་གཏུབས་པས་སོ།། མ་རུངས་པ་ཐམས་ཅད་ཀྱི་དཀྱིལ་འཁོར་རྣམ
31b7 པར་གཞིག་པ་ལ་ནི་རྡོ་རྗེ་གཟུང་ནས་འཇུག་པར་བྱའོ།། མཆོད་པ་ཐམས་ཅད་རྣམ་པར་གཞིག་པ་ལ་ནི་ཁྲོས་ནས་བཟླས་བརྗོད་བྱའོ།། ཐམས་ཅད་སྐྲག་པར་བྱ་བ་ལ་ནི་འཇིགས་བྱེད་ཀྱི་ལྟ་བས་བལྟ
iiif viewer powered by OpenSeadragon
