| e-texts navigator |
| Wylie |
31a1 ཀྱིས་འདུལ་བ་ཁྲོ་བོ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གདུག་པ་ཐམས་ཅད་འདུལ་ཞིང་བྱིན་གྱིས་རློབ་པ་རྡོ་རྗེ་ཞེས་བྱ་བའི་གནོད་སྦྱིན་གྱི་དཀྱིལ
31a2 འཁོར་འདི་གསུངས་སོ།། ཕྱི་ཡི་དཀྱིལ་འཁོར་ཚུལ་དུ་ནི།། ཕྱི་ཡི་དཀྱིལ་འཁོར་བྲི་བར་བྱ།། དེ་ཡི་ནང་རིམ་ཉིད་དུ་ནི།། དཀྱིལ་འཁོར་བཟང་པོ་གྲུ་བཞི་པ།། སྒོ་བཞི་པ་ལ་ཐིག་བཞིར་ལྡན།།
31a3 ཚོན་སྣ་ལྔ་ཡིས་རྣམ་པར་བྲི།། ཀ་བ་བརྒྱད་ནི་མདུན་གནས་པར།། འབར་བའི་དཀྱིལ་འཁོར་ཡང་དག་ལྡན།། དེ་ཡི་དབུས་སུ་ཅི་རིགས་པར།། རྡོ་རྗེ་གནོད་སྦྱིན་གཞག་བྱ་སྟེ།། རྡོ་རྗེ་མཆེ་བ་གཙིགས
31a4 པ་དང་།། འབར་བའི་འཕྲེང་བ་འཁྲིགས་པའི་འོད།། འཇིགས་བྱེད་ཁ་དོག་སྔོ་བ་དང་།། ཧ་ཧ་ཞེས་བཞད་གསལ་བའི་ཞལ།། དེ་ཡི་ཀུན་ཏུ་གནོད་སྦྱིན་ནི།། ཤིན་ཏུ་འཇིགས་པ་གཞག་པར
31a5 བྱ། དེ་ཉིད་དང་པོ་ལ་སོགས་མཆོག། ཕྱག་ན་རྡོ་རྗེ་སོགས་མཚན་འཆང་།། ཕྱིའི་དཀྱིལ་འཁོར་མཚམས་སུ་ནི།། མཆེ་བའི་ཕྱག་རྒྱ་བྲི་བར་བྱ།། སྒོ་ཡི་གནས་ནི་ཐམས་ཅད་དུ།། རྡོ་རྗེའི་མཚན་མ
31a6 གཞག་པར་བྱ།། དེ་ནས་འཇུག་པ་ལ་སོགས་པ་བྱུང་སྟེ། རྡོ་རྗེ་མཆེ་བའི་ཕྱག་རྒྱ་དང་། ཧ་ཧ་ཞེས་བཞད་པ་དང་བཅས་པས་ཞུགས་ནས་གདུག་པ་ཐམས་ཅད་འདུལ་ནུས་ཤིང་མྱུར་དུ་རྡོ་རྗེ་འཛིན་པ་ཉིད་ཐོབ་པར
31a7 འགྱུར་རོ།། དེ་ནས་ཞུགས་ནས་རྡོ་རྗེ་མཆེ་བ་རླང་ལ་རྡོ་རྗེ་བོང་གི་དབང་བསྐུར་ལ་རྡོ་རྗེས་རྡོ་རྗེ་གནོད་སྦྱིན་ཉིད་བསྣུན་ནོ།། དེ་ནས་རྡོ་རྗེ་གནོད་སྦྱིན་གྱི་ཞལ་ནས་ཧ་ཧ་ཞེས་བྱ་བའི་སྒྲ་འབྱུང་བར་འགྱུར
iiif viewer powered by OpenSeadragon
