| e-texts navigator |
| Wylie |
30a1 སྐྱོབ་པ་ནི་བླ་ན་མེད་པའི་མཆོད་པའི་ཆོ་ག་རྒྱས་པ་ཕྱག་ན་འཛིན་པའི་ཚུལ་གྱིས་ཇི་ལྟ་བ་བཞིན་དུ་གཞག་གོ།། ཕྱིའི་མཚམས་རྣམས་སུ་ནི་མེ་ཏོག་ལ་སོགས་པ་རྣམས་དང་།
30a2 སྒོ་རྣམས་སུ་ནི་དབྱིག་དང་། གསེར་དང་། མུ་ཏིག་དང་། རིན་པོ་ཆེ་སྟེ་མཚན་མ་བཞི་གཞག་པར་བྱའོ།། དེ་ནས་དེ་བཞིན་དུ་རྡོ་རྗེ་ཐམས་ཅད་ཀྱིས་མཆོད་པ་ཐམས་ཅད་འཐོབ་པར་འགྱུར་རོ།། ཞུགས
30a3 ནས་སྣ་ཚོགས་རྡོ་རྗེ་བླངས་ལ།། སྣ་ཚོགས་རྡོ་རྗེའི་མིང་གི་དབང་བསྐུར་བས་དབང་བསྐུར་ནས་མཆོད་པ་རྣམ་པ་བཞི་བྱ་སྟེ། འདི་ལྟ་སྟེ། ལུས་ཀྱི་ལས་ཐམས་ཅད་དང་།། ཕྱག་བྱ་བ་དང་། ངག་དང་། ཡིད་དང་།
30a4 སེམས་ཀྱི་ཆོས་ཀྱི་དབྱིངས་སུ་སྤྲོས་པས་མཆོད་པའི་ཆོ་ག་རྒྱས་པ་ཐམས་ཅད་ཀྱིས་མཆོད་པར་བྱ་ཞིང་། རྡོ་རྗེ་དང་ཕྱག་རྒྱས་མཆོད་པ་གཅིག་ཏུ་བྱས་པའོ།། མམ་ཀྱི་གཞུག་པའི་ལས་ཀྱང་དེ་བཞིན
30a5 ནོ།། ལས་ཀྱི་དཀྱིལ་འཁོར་རོ།། དེ་ནས་སྒྲུབ་པ་དང་དངོས་གྲུབ་དག་ཀྱང་དེ་བཞིན་ནོ།། དེ་ནས་མ་བསྒྲུབས་པར་ཡང་བྱང་ཆུབ་ཀྱི་སེམས་ཀྱི་མཆོད་པ་ལ་ནི་རང་གི་སྙིང་ཁར་རྡོ་རྗེ་བསྒོམས་པས་སོ།།
30a6 ཏིང་ངེ་འཛིན་གྱི་མཆོད་པ་ལ་ནི་ཐམས་ཅད་དག་པར་བསྒོམས་པས་སོ།། དབང་བསྐུར་བའི་མཆོད་པ་ལ་ནི་རྡོ་རྗེ་དབང་བསྐུར་བ་སྣ་ཚོགས་ཀྱིས་སོ།། ཕྱག་རྒྱའི་མཆོད་པ་ལ་ནི་རྡོ་རྗེ་ཐམས་ཅད་ཀྱི་སྣ་ཚོགས
30a7 ཀྱིས་སོ།། སྟོང་པ་ཉིད་ཀྱི་མཆོད་པ་ལ་ནི་ཨ་ལ་སོགས་པའི་ཡི་གེ་ལུང་བསྟན་པས་སོ།། དཀྱིལ་འཁོར་གྱི་མཆོད་པ་ལ་ནི་འཁོར་ལོ་སྣ་ཚོགས་ཀྱིས་སོ།། མཆོད་པ་ཐམ་ཅད་ལ་ནི་སྣ་ཚོགས་རྡོ་རྗེས་སོ།།
iiif viewer powered by OpenSeadragon
