| e-texts navigator |
| Wylie |
27a1 གྱིས་ཐིག་བཏབ་ལ། དེའི་ལྟེ་བ་ལ་བཅོམ་ལྡན་འདས་འཇམ་དཔལ་གཞོན་ནུ་གཞོན་ནུའི་ཆ་ལུགས་འཆང་ཞིང་འཛུམ་པ་དང་བཅས་པ་ནམ་མཁའི་མདོག་ཅན་ཕྱག་བཞི་དང་།
27a2 རལ་གྲིས་དེ་བཞིན་གཤེགས་པ་ཐམས་ཅད་ལ་འདེབས་པར་གཞག་པར་བྱའོ།། དེའི་མདུན་ལ་སོགས་པར་དེ་བཞིན་གཤེགས་པའི་སྐུ་རྣམས་གཞག་པར་བྱའོ།། ཕྱིའི་མཚམས་རྣམས་སུ
27a3 ཤེས་རབ་ཀྱི་ཕ་རོལ་ཏུ་ཕྱིན་པ་བཞི་ལུང་ཇི་ལྟར་ཐོབ་པ་བཞིན་དུ་གཞག་པར་བྱའོ།། སྒོ་རྣམས་སུ་ནི་མཚན་མ་བཞི་གཞག་པར་བྱའོ།། འདི་ལྟ་སྟེ། རལ་གྲི་དང་། མདུང་དང་། ལྷུང་བཟེད
27a4 དང་གླེགས་བམ་རྣམས་སོ།། དེ་ནས་རལ་གྲི་དང་། གླེགས་བམ་གྱི་ཕྱག་རྒྱ་དེ་བཞིན་དུ་ཆོས་ཀྱི་སློབ་དཔོན་དུ་བྱིན་གྱིས་བརླབ་བོ།། དེ་ནས་རལ་གྲིའི་བླངས་ཏེ་རལ་གྲིའི་མིང་གི་དབང་བསྐུར
27a5 ཁས་དབང་བསྐུར་ལ་ཆོས་འདི་བཤད་པར་བྱ་སྟེ། རལ་གྲི་འདི་ནི་རྟག་ཟུང་ལ།། ཤེས་རབ་ཚུལ་ནི་དཀར་སྨྲ་ཞིང་།། ནམ་མཁའ་སངས་རྒྱས་སྦྱོར་བ་ཡིས།། འདེབས་ན་མྱུར་དུ་འགྲུབ་པར་འགྱུར།།
27a6 སངས་རྒྱས་བསྟན་པ་སྲུང་ཕྱིར་དང་། སེམས་ཅན་མང་པོ་སྲུང་བའི་ཕྱིར།། འདིས་བསད་སྡིག་པར་མི་འགྱུར་ཞིང་།། བསོད་ནམས་དག་ཀྱང་ཐོབ་པར་འགྱུར།། སློབ་མ་རྣམས་ལའང་དེ་བཞིན་ཏེ།
27a7 ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་དངོས་གྲུབ་རྣམས་ཀྱིས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ།། ཆོས་ཀྱི
iiif viewer powered by OpenSeadragon
