| e-texts navigator |
| Wylie |
169a1 སྲས་མཆོག་སངས་རྒྱས་སྲས་ནི་ལེགས་སོ་ལེགས། རྡོ་རྗེ་མཆོག་ན་རྡུ་རྗེ་འབྱུང་བ་ལེགས།། དམ་པའི་ཆོས་ཀྱི་བདག་ཉིད་ལེགས་སོ་ལེགས།། སངས་རྒྱས
169a2 རྣམས་ཀྱིས་ཡང་དག་བྱིན་བརླབས་པ།། རྟག་ཏུ་མི་འགྱུར་དོན་ཡོད་གྲུབ་པ་ཆེ།། ཇི་ལྟར་དང་པོའི་གྲུབ་པ་དེ་བཞིན་དུ།། ཕྱིས་ནས་ཀྱང་ནི་དེ་བཞིན་གྲུབ་པ་འགྱུར།། དེ་ལྟར་ངག་ཆེན་གསུངས
169a3 ནས་ནི།། སྲས་དང་བཅས་པའི་སངས་རྒྱས་རྣམས།། རྡོ་རྗེ་སེམས་དཔའ་ཆེན་པོ་ཡི།། གསུང་ལ་རྗེས་སུ་ཡི་རང་མཛད།། དཔལ་མཆོག་དང་པོ་ལས།། རྟོག་པའི་རྒྱལ་པོ་ཐམས་ཅད་ཀྱི་མཆོག
169a4 རྫོགས་སོ།། ཐུགས་དམ་སའི་སྙིང་པོ་ཟོ་ལིང་དུ་རྒྱ་གར་གྱི་མཁན་པོ་པཎྜི་ཏ་མཁས་པ་ཆེན་པོ་མནྟ་ཀ་ལ་ཤ་དང་། སྔ་བསྒྱུར་གྱི་ལོ་ཙ་བ་ལྷ་བཙན་པོ་དགེ་སློང་བླ་མ་ཞི་བའི
169a5 འོད་ཀྱི་ཞལ་སྔ་ནས་བསྒྱུར་ཅིང་ཞུས་ཏེ་གཏན་ལ་ཕབ་པ། ལོ་ཙ་ཆེན་པོ་རིན་ཆེན་བཟང་པོ་ཡི།། དཔལ་མཆོག་དང་པོའི་རྒྱུད་འདི་བསྒྱུར་བ་ལ།། བར་བ་དཔེ་མ་རྙེད་པས་མ་འགྱུར་ནས།། བདག་གིས
169a6 འབད་པས་དཔེ་བཙ་ལ་རྙེད་པས་བསྒྱུར།། རྒྱ་ཀར་སྐད་དུ། ཨཱརྱ་པྲ་ཛཱ་པཱ་ར་མི་ཏཱ་ན་ཡ་ཤ་ཏ་པཉྩ་ཤ་ཀ། བོད་སྐད་དུ། འཕགས
169a7 པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་བརྒྱ་ལྔ་བཅུ་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ
iiif viewer powered by OpenSeadragon
