| e-texts navigator |
| Wylie |
167a1 ཅད་སངས་རྒྱས་ཉིད།། སྣ་ཚོགས་བྱ་བ་རྡོ་རྗེ་ནན།། འཇིག་རྟེན་དབང་ཕྱུག་རྡོ་རྗེ་ཆོས།། ནོར་བུ་ནོར་བུ་བསྔགས་པའོ།། ཞེས་བྱ་བ་དབྱུང་བསྐུར་བ་ཐམས་ཅད
167a2 ཕྱག་མཚན་གྱི་དེ་ཁོ་ན་ཉིད་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་ཐམས་ཅད་དགུག་པའི་རྒྱུད་ཡིན་ཞེ་ན། རྟོག་པ་ཀུན་གྱི་གསང་ཆེན་གྱིས།། རྡོ་རྗེ་ལྕགས་ཀྱུ
167a3 དྲིལ་བཅས་པས།། བཀུག་སྟེ་དེ་ནས་རྗེས་སྒྲུབ་པ།། དྲིལ་བུ་ཉིད་ཀྱི་བྱ་བ་ཡིན།། ཇི་ལྟར་མཆོད་པ་ཐམས་ཅད་ཀྱི་ཆོ་ག་ཡིན་ཞེ་ན། རྟོག་པ་ཀུན་གྱི་གསང་ཆེན་གྱི།། རབ་ཏུ་དགའ་བས
167a4 མཆོད་ནས་ནི།། ཀླུ་དང་རོལ་མོ་རྣམས་འཕྲུལ་བས།། མཆོད་དེ་སླར་ཡང་རྣལ་འབྱོར་མཆོད།། དེ་ལ་ཇི་ལྟར་དངོས་གྲུབ་ཐམས་ཅད་བྱིན་གྱིས་བརླབས་པའི་དམ་ཚིག་ཆེན་པོའི་དེ་ཁོ་ན་ཉིད་ཡིན།
167a5 ཞེ་ན། རྟོག་པ་ཀུན་གྱི་གསང་ཆེན་གྱི།། ཕྱག་རྒྱ་ཀུན་གྱིས་ལེགས་བྱིན་བརླབས།། དམ་ཚིག་ཆེན་པོའི་འདི་ཉིད་ཀྱིས།། ། རང་ཉིད་བསྒྲུབས་ནས་སྙིང་པོ་བཟླས
167a6 ཐོག་མཐའ་མེད་པའི་སེམས་དཔའ་ནི།། རྡོ་རྗེ་སེམས་དཔའ་དགའ་བ་ཆེ།། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས་པའི་བདག་པོའི་བདག། ཅེས་བྱ་བའི་མཆོག་དང་པོའི་སྐྱེས་བུའོ།། །
167a7 དེ་ལ་ཇི་ལྟར་རང་ལྷག་པའི་ལྷ་ཐམས་ཅད་ཀྱི་སྒྲུབ་པ་ཆེན་པོའི་རྒྱུད་ཡིན་ཞེ་ན། བརྟན་པ་དང་ནི་གཡོ་བ་དང་།། རྟོག་པ་ཀུན་ལས་བསྒྲུབ་བྱ་གང་།། རང་གི་ལྷག་པའི་ལྷ་སྦྱོར་བས།། དེ་དག
iiif viewer powered by OpenSeadragon
