| e-texts navigator |
| Wylie |
164b1 རྡོ་རྗེ་བསྙེམས་པའི་བདག་པོའི་བདག། ཅེས་བྱ་བ་ནི་བཅོམ་ལྡན་འདས་མཆོག་དང་པོའི་སྐྱེས་བུའོ།། མཆོག་དང་པོ་ཡི་དེ་ཉིད་འདི།། རྡོ་རྗེ་སེམས་དཔའ་གང་གང་བརྗོད།། དངོས་གྲུབ་ཀུན་གྱི།
164b2 འབྱོར་པ་རྣམས།། དེ་ལ་ཐམས་ཅད་འགྲུབ་པར་འགྱུར།། ཞེས་བྱ་བ་མཆོག་གི་དེ་ཁོ་ན་ཉིད་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ནས་དེའི་འོག་ཏུ་ལས་ཀྱི་བྱ་བས་བཅོམ
164b3 ལྡན་འདས་ཐམས་ཅད་ཀྱི་མཆོག་ཉིད་དུ་བཤད་པར་བྱའོ།། བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ལ་བཅོམ་ལྡན་འདས་ཐམས་ཅད་ཀྱིས་སེམས་ཅན་ཇི་ལྟར་ཡིན་ཞེན
164b4 བསམ་གྱིས་མི་ཁྱབ་རྒྱ་ཆེ་བ།། ཟབ་དངོས་ཀུན་བདེ་མི་འགྱུར་བ།། ཐམས་ཅད་ཁྱབ་ཅིང་དྲི་མ་མེད།། བྱང་ཆུབ་སེམས་ནི་བདག་བརྟན་པ།། དེ་ནས་འདི་ལས་ཁྱད་པར་ནི།། སེམས།
164b5 ཉིད་བརྟན་པ་ཉིད་སེམས་པས།། ཏིང་འཛིན་དེ་ལ་མཉམ་པར་བཞག། རྣམ་ཤེས་ལས་ནི་རྡོ་རྗེ་ཀུན།། རྡོ་རྗེ་ལས་ནི་འཛིན་གྱུར་ཏེ།། བཅོམ་ལྡན་འདས་རྡོ་རྗེ་འཛིན་ཇི་ལྟར་ཡིན་ཞེ་ན།།
164b6 སེམས་དཔའི་བྱིན་རླབས་ནི།། བདག་ལ་བྱིན་བརླབས་མཆོག་སྒྲུབ་པ།། ཉིན་རེ་སྒྲུབ་པར་བྱེད་ན་དེས།། རྡོ་རྗེ་སེམས་དཔའ་ཉིད་ཐོབ་འགྱུར།། དེ་ལ་བཅོམ་ལྡན་འདས་ཀུན་ཏུ་བཟང་པོའི
164b7 སྤྱོད་པ་ཇི་ལྟར་ཡིན་ཞེ་ན། སྙིང་སྟོབས་རྡུལ་དང་མུན་པས་ཀྱང་།། གང་ཕྱིར་སེམས་ཅན་དོན་གྱུར་པས།། དེ་ཕྱིར་ང་ནི་ཀུན་ཏུ་བཟང་།། བྱང་ཆུབ་སྤྱོད་པའི་རྗེས་འཇུག་པའོ།། དེ་ལ
iiif viewer powered by OpenSeadragon
