| e-texts navigator |
| Wylie |
163b1 ཉེ་སྙིང་ཇི་ལྟར་ལགས།། བདེ་ཆེན་རྡོ་རྗེ་ཆེན་པོ་ཡི།། དོན་ཡོད་དམ་ཚིག་ཇི་ལྟར་ལགས།། དཀྱིལ་འཁོར་ཞེས་བྱ་ཇི་སྐད་གསུངས།། དེ་ཡི་རྣམ་སྨིན་ཇི་ལྟ་བུ།། ཐིག་གདབ་པ་དང
163b2 བརྟག་པ་ཡིས།། དངོས་གྲུབ་ཇི་ལྟར་གསུངས་པ་ལགས།། གསང་བ་ལྔ་ཡི་དེ་བདེ་བ།། ཇི་ལྟར་གྱུར་པ་ཇི་ལྟ་བུ།། དཀྱིལ་འཁོར་བདག་པོ་རྣམས་དང་ནི།། རིགས་རྣམས་གསལ་བ་ཇི་ལྟར
163b3 ལགས།། ཐམས་ཅད་དབང་བསྐུར་དེ་ཉིད་དང་།། ཕྱག་མཚན་ཚོགས་ཀྱི་དེ་ཉིད་དང་།། ཐམས་ཅད་དགུག་གཞུག་མཆོད་པ་ཆེ།། བདག་བྱིན་བརླབས་སོགས་སྒྲུབ་པ་ཆེ།། དེ་ནི་དེ་ཉིད
163b4 གསང་བ་དང་།། དོན་ཡོད་པ་ནི་མཆོག་ཉིད་དེ།། མི་འགྱུར་དམ་པ་སྒྲུབ་པའི་ཕྱིར།། ཐམས་ཅད་བདག་ཅག་རྣམས་ལ་གསུངས།། ཞེས་བྱ་བ་བཅོམ་ལྡན་འདས་དེ་བཞིན་གཤེགས
163b5 པ་ཐམས་ཅད་ཀྱིས་མཆོག་གི་མདོ་གསུངས་སོ།། དེ་ནས་སྟོན་པ་རྡོ་རྗེ་འཛིན།། རྟོག་པ་ཀུན་གྱི་བདག་པོ་ནི།། ཐེ་ཚོམ་ཚོགས་རྣམས་གསན་ནས་སུ།། འདི་ཡི་ལན་ནི་གསུངས་པ་ཡིན།།
163b6 ལ་རྟོག་པའི་དོན་གྱི་རྒྱུད་ཇི་ལྟར་ཡིན་ཞེ་ན། རྣམ་རྟོག་མེད་པའི་ཆོས་རྣམས་ལས།། སེམས་ཅན་དོན་ནི་ཡོངས་བརྟགས་པས།། དེས་ན་རྟོགས་པར་གསུངས་པ་སྟེ།། རྟོག་པ་ཡོངས་སུ་དག།
163b7 ཕྱིར་རོ།། དེ་ནས་རྒྱུད་ཕྱི་མ་ཇི་ལྟར་ཡིན་ཞེ་ན། རྒྱུད་ནི་རྒྱུན་ཞེས་བྱ་བར་བཤད།། ཕྱི་མ་སྔར་དང་ཡང་དག་བྱུང་།། དེ་ཉིད་གསང་བའི་གསང་བ་དང་།། ཕྱི་མ་དང་བཅས་རྒྱུད་དུ་འདོད།། དེ་ལ།
iiif viewer powered by OpenSeadragon
