| e-texts navigator |
| Wylie |
162b1 དེ་བཞིན་ཕྱག་རྒྱ་མཆོག་སྦྱོར་བས།། ལས་ཀྱི་ཕྱག་རྒྱ་སྣ་ཚོགས་བརྒྱ།། མཆོག་དང་པོ་ནི་རབ་ཏུ་བརྟག། ཅེས་བྱ་བ་རྡོ་རྗེ་ཐམས་ཅད་ཀྱི་སྐུ་གསུང་ཐུགས་ཀྱི་རྡོ་རྗེ་ལྷ་མོའི་ཕྱག་རྒྱའོ།།
162b2 རྡོ་རྗེ་ལྷ་མོའི་ཁ་ཊྭཱཾ་ག། ལུས་ཀུན་གྱིས་ནི་གར་བྱ་ཞིང་།། རྡོ་རྗེ་གར་མཆོག་གླུ་བླང་ཞིང་།། དང་པོའི་ཕྱག་རྒྱ་ཆེན་པོ་ཞེས་བྱ་བའོ།། ཇི་ལྟར་གོང་དུ་བརྒྱ་གསུངས་པ།། རོལ་མོ
162b3 མཆོག་གི་ཕྱག་རྒྱའི་ཚོགས།། རོལ་མོ་བརྡུང་ཞིང་གླུ་ལེན་པ།། ཕྱག་རྒྱ་ཀུན་གྱི་གསལ་བ་བརྒྱ།། ཞེས་བྱ་བ་རྡོ་རྗེ་ཐམས་ཅད་ཀྱི་ལྷའི་བུ་མོའི་ཚོགས་ཀྱིས་ཕྱག་བྱ་སྟེ། ཕྱག་རྒྱ
162b4 སྟོང་མཆོག་ཏུ་གྲུབ་པའོ།། དེ་ལ་སོགས་པ་མཐའ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའི་མཐའ་ལྟར་གྲངས་མེད་པའི།། ཕྱག་རྒྱའི་རྒྱལ་མོ
162b5 གྲུབ་མཆོག་སྟེར།། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོའི་མཆོག་གྲུབ་ཕྱིར།། ནམ་མཁའ་ཀུན་གྱི་གོ་སྐབས་ཀྱིས།། དཀྱིལ་འཁོར་འདི་ནི་རབ་ཏུ་ཞུགས།། དམ
162b6 པ་མཆོག་ཏུ་གྲུབ་པར་བྱེད།། མཆོག་གི་དམ་པ་རྒྱུད་ཆེན་པོ།། དམ་པ་མཆོག་གི་དངོས་གྲུབ་སྟེར།། རྡོ་རྗེ་སློབ་དཔོན་སློབ་མ་མཆོག། དེ་ཉིད་དད་པའི་རྗེས་འབྲངས་ལ།། ཕྱག་རྒྱ་ཀུན་གྱི།
162b7 ཚུལ་འདི་ནི།། བསྟན་པར་བྱ་སྟེ་གཞན་ལ་མིན།། དེ་ལྟར་མཆོག་ཏུ་མི་འགྱུར་དམ་པའི་དངོས་གྲུབ་བདེ་བ་ཡི།། མཆོག་ཏུ་རྣམ་དག་རྡོ་རྗེ་བདེ་གྲུབ་མཐའ་ཡས་འབྲས་བུར་ལྡན།། དཔལ
iiif viewer powered by OpenSeadragon
