| e-texts navigator |
| Wylie |
160b1 རབ་ཏུ་དགའ་བ་ལ་འཇིག་རྟེན་ལས་འདས་པའི་འདོད་པ་ཐམས་ཅད་ཀྱི་བདེ་བ་ཆེན་པོ་ཤིན་ཏུ་མཐའ་ཡས་པའོ།། ཁ་སྦྱོར་བཙིར་བས་ཇི་སྲིད་འཚོའི་བར་དུ་འདུས་པ་དང་བྲལ་བའང་ངོ་།།
160b2 རྟགས་ཀྱི་སེན་མོ་གཡོན་པའི་མཐིལ་དྲུད་པས་ཤིན་ཏུ་བརྟན་པའི་འདོད་པ་ལ་ཆགས་པ་ཉིད་དུ་འགྱུར་རོ།། གཞན་གྱི་འདོད་པ་ལ་མི་བལྟ་ཞིང་གཞན་ལ་མི་འགྲོ་བར་ཤིན་ཏུ་བདེ་བ་དེ་ཡིད་བདེ་བ
160b3 སྟེར་བའི་བུད་མེད་ཐམས་ཅད་འགྲུབ་པར་འགྱུར་རོ།། སྐྱེ་གནས་ཀྱིས་སེན་མོ་དྲུད་པས་སྐྱེས་བུ་རྣམས་སོ།། དེ་ནས་ཐམས་ཅད་ཀྱི་བདག་ཉིད་ཀྱི་གསང་བའི་ཕྱག་རྒྱ་བཅུ་སྟེ། དེ་ལ་ལུས
160b4 ཐམས་ཅད་ཀྱི་ཕྱག་རྒྱ་ནི་རྡོ་རྗེ་ཁུ་ཚུར་གཉིས་ཀྱིས་འཁྱུད་ལ་མ་མཆུ་སོ་རྣམས་ཀྱིས་བཟུང་སྟེ། རྨོངས་པས་བདེ་བ་སྟེར་དུ་གཞུག། སྒྲུབ་པས་རབ་ཏུ་དགའ་བའི་དངོས་གྲུབ་ཀྱི་རྡོ་རྗེ་སེམས
160b5 དཔའ་ཤིན་ཏུ་འགྲུབ་པར་འགྱུར་རོ།། མཆོག་དང་པོའི་དངོས་གྲུབ་ཀྱིས་སུ་ར་ཏ་སྟྭཾ་ཞེས་བཅོམ་ལྡན་འདས་ལ་བརྗོད་ཅིང་དེ་ཁོ་ན་ཉིད་བསྐུལ་བས་གྲུབ་པར་འགྱུར་རོ།། རབ་ཏུ་དགའ་བའི་ཡེ
160b6 ཤེས་ཀྱིས་ཐམས་ཅད་སྒྲུབ་པའོ།། ལག་པ་གཡོན་པའི་གསང་བ་ཁུ་ཚུར་ནི་ཐམས་ཅད་སྒྲུབ་པའོ།། བདེ་བ་ཆེན་པོ་རྡོ་རྗེ་ལས་བྱུང་བའི་རྡོ་རྗེ་ཆེན་པོའི་བལྟ་བས་ཐམས་ཅད་གྲུབ་པའོ།། སྨིན
160b7 མ་གྱེན་དུ་བཏེག་པས་ལྟུང་བ་སློང་བའོ།། རང་གི་མ་མཆུ་ནང་དུ་མྱང་བས་སྐལ་བ་བཟང་པོ་ཆེན་པོ་སྒྲུབ་པའོ།། རང་གི་ལྕེ་བསྐྱོད་པས་རང་ཉིད་ཀྱིས་བདེན་པ་ཐམས་ཅད་དང་དེ་ཁོ་ན་ཉིད་གསལ
iiif viewer powered by OpenSeadragon
