| e-texts navigator |
| Wylie |
153a1 རིགས་པ། སྒྲུབ་པ་འདི་ནི་རྨད་བྱུང་སྟེ།། དངོས་གྲུབ་ཐམས་ཅད་རབ་སྒྲུབ་པས།། མ་གྲུབ་རྣམས་ཀྱང་འགྲུབ་པར་འགྱུར།། གང་ཞིག་གྲུབ་པར་མ་གྱུར་དང་།།
153a2 བསོད་ནམས་ཕུར་ཚོགས་མི་ལྡན་ན།། བདག་ཉིད་དམ་ནི་རྡོ་རྗེ་སེམས།། བསྒྲུབས་ན་དེ་ནི་མྱུར་དུ་འགྲུབ།། གལ་ཏེ་རྡོ་རྗེ་སེམས་དཔའ་མཆོག། སྙིང་པོ་སོགས་དང་ཉེ་སྙིང་པོས།། བསྒྲུབ་པ་བྱས་ཀྱང་།
153a3 མ་གྲུབ་ན།། འཛུམ་པའི་ཕྱག་རྒྱས་བསྒྲུབ་པར་བྱ།། དེ་ཕྱིར་གསང་བའི་བཙུན་མོ་འདི།། རྡོ་རྗེ་སེམས་དཔའ་རབ་དགའ་བྱེད།། རྡོ་རྗེ་སེམས་དཔའ་དགའ་བ་ཆེ།། དགྱེས་པ་དེ་ཡིས་མྱུར་དུ་འགྲུབ།
153a4 དེ་ཉིད་ཆེན་པོ་འདི་གྲུབ་པ།། དམ་པ་མཆོག་གི་བདག་ཉིད་ནི།། གསང་བ་མཆོག་ཏུ་བསོད་ནམས་ལྡན།། སོ་སོའི་སྐྱེ་བོ་ལ་བརྗོད་མིན།། དེ་ཉིད་གྲུབ་པའི་རྗེས་འབྲང་བའི།། རྡོ་རྗེ་སེམས
153a5 དཔའི་གྲུབ་པ་དང་།། གལ་ཏེ་དངོས་གྲུབ་མཆོག་འདོད་ན།། དེ་བཞིན་གཞན་ལ་སྦྱིན་མི་བྱ།། གང་གིས་གྲུབ་པར་མ་གྱུར་ན།། དེ་ལ་དེ་ཉིད་སྦྱིན་པར་བྱ།། དེ་ཉིད་འཛུམ་པས་མྱུར་དུ་ནི།།
153a6 བདག་བྱིན་བརླབས་པས་འགྲུབ་པར་འགྱུར།། དེ་ཉིད་ཆེན་པོ་དག་པ་འདི།། རྡོ་རྗེ་ཅན་གྱི་མཚོན་ཆ་མཆོག། ཕྱག་རྒྱའི་རྒྱུད་ནི་བླ་མེད་པ།། མཆོག་ཏུ་གསང་བ་བཤད་པ་ཡིན།། དེ་ཉིད
153a7 དང་པའི་རྗེས་འབྲང་བའི།། རྡོ་རྗེ་སློབ་དཔོན་ཀུན་མཆོག་ལ།། གལ་ཏེ་དངོས་གྲུབ་མཆོག་འདོད་ན།། གཞན་རྣམས་ལ་ཡང་དེ་བཞིན་སྦྱིན།། ཕྱག་རྒྱའི་རྒྱུད་ནི་གཅིག་པུ་འདི།། བདག་ཉིད་གང
iiif viewer powered by OpenSeadragon
