| e-texts navigator |
| Wylie |
152a1 རྟོག་པའི་རྒྱལ་པོ་ལས།། རིགས་ཐམས་ཅད་ཀྱི་ཕྱག་རྒྱའི་རྒྱུད་དོ།། ། དེ་ནས་སྟོན་པ་རྡོ་རྗེ་འཛིན།། གསང་བ་ཀུན་གྱི་བདག་བརྟན་པས།། དེ་ཉིད
152a2 ཕྱག་རྒྱའི་རྒྱུད་ཆེན་པོ།། མཚོན་ཆ་དམ་པ་འདི་གསུངས་སོ།། དེ་ནས་བཅོམ་ལྡན་འདས་རྡོ་རྗེ་སེམས་དཔའི་རྟོག་པ་ཐམས་ཅད་ཀྱི་གསང་བའི་དཀྱིལ་འཁོར་གྱི་རྟོག་པའི་ཚོགས་མཆོག་ཏུ་མཁས་ཤིང་ཕྲ
152a3 བ་རྒྱ་ཆེ་ལ་ཟབ་པ། བསམ་གྱིས་མི་ཁྱབ་པ། ཚད་མེད་པ། གསལ་ཞིང་མཉམ་པ་མེད་པ། བླ་ན་མེད་པའི་བླ་མ་མཐར་ཐུག་པ་མེད་པའི་དངོས་གྲུབ་ཀྱི་གསང་བ་སྒྲུབ་པ་མ་ལུས་ཤིང་ལུས་པ་མེད།
152a4 པའི་དངོས་གྲུབ་ཐམས་ཅད་ཀྱི་ལས་རྣམས་སྒྲུབ་པ་པོ་དོན་ཡོད་ཅིང་ཐོགས་པ་མེད་པ་བཤད་པར་བྱའོ།། ཞེས་བྱ་བ་བཅོམ་ལྡན་འདས་མཆོག་ཏུ་གསང་བས་གསུངས་སོ།། མ་མ་རུ་སོ་རྣམས་ཀྱིས
152a5 བཟུང་ལ་དགའ་བ་ཆེན་པོས་དང་པོའི་རྡོ་རྗེ་བལྟ་བས་ལྟ་ཞིང་བྱེད་བདག་གིས་མ་ལུས་ཤིང་ལུས་པ་མེད་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་རྣམས་སྒྲུབ་པར་བྱེད་པའོ།། བདེ་བ་ཆེན་པོའི
152a6 གསང་བ་ཆེན་པོའི་རྡོ་རྗེ་རྡོ་རྗེ་ཅན་ཞེས་བྱ་བའི་ཕྱག་རྒྱའོ།། དེ་བཞིན་གཤེགས་པ་ཐམས་ཅད་ཀྱི་གཞད་པ་ཆེན་པོས་དགོད་ཅིང་བརྟན་པའི་རྡོ་རྗེ་ལྟ་བུ་བྱེད་པ་དག་གིས་དེ་བཞིན་གཤེགས་པ་ཐམས
152a7 ཅད་ཀྱི་ལས་རྣམས་སྒྲུབ་པར་བྱེད་པ་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་ཞེས་བྱ་བའི་ཕྱག་རྒྱའོ།། ཁྲོ་གཉེར་དང་བཅས་པ། ཁྲོ་བོའི་རྡོ་རྗེ་ལྟ་བ་དང་བཅས་པའི་བྱེད་པ་དང་། སྣའི་དབུགས
iiif viewer powered by OpenSeadragon
