| e-texts navigator |
| Wylie |
180b1 དེ་བཞིན་འཁོར་ལོ་ཡངས་སུ་དགོད། རྡོ་རྗེ་སློབ་དཔོན་དགའ་ཐུབ་ཆེ།། སྐལ་བ་ཆེན་པོ་གསང་བ་འདི། རྡོ་རྗེ་འཁོར་མ་ཡང་དག་སྦྱོར།། རྣམ་འཕྲུལ་དེ་ནི་རབ་ཏུ་བསྒོ་བ་འཁོར་ལོ་དབབ་དང་གསུམ།
180b2 པ་དང་།། ཆོ་ག་ཇི་བཞིན་འཇུག་པར་བྱ།། རྡོ་རྗེ་དབྱིངས་སོགས་དཀྱིལ་འཁོར་དུ།། རྒྱས་པར་ཇི་ལྟར་སྙན་པ་བཞིན།། རིགས་ཀྱི་དཀྱིལ་འཁོར་འཁོར་ལོ་དང་།། འཁོར་ལོ་དཀྱིལ་འཁོར་དང་ལྡན་པ
180b3 འཁོར་ལོའི་གནས་ནི་དབང་དུ་འགྱུར།། ཆོས་ཀྱི་འཁོར་ལོ་ཡང་དག་ལྡན།། རྡོ་རྗེ་འགུགས་དང་སྐལ་ལྡན་དང་།། ངེས་བྱེད་རིན་ཆེན་གཟི་བརྗིང་དང་།། རྒྱལ་མཚན་བཞད་པ་ཡང་དག་ལྡན།། ཆོས་དང་།
180b4 རྣོན་པོ་གཙོ་བོ་མཆོག། རྒྱུ་དང་གཏུམ་པོ་དྲག་པོ་ཆེ།། ལས་དང་སྲུང་བ་གནོད་སྦྱིན་གྲུབ།། སྣ་ཚོགས་སྦྱོར་བ་ཡང་དག་ལྡན།། འཁོར་ལོའི་རྣམ་པར་འཕྲུལ་པ་འགྱུར།། དེ་ལྟ་བུ་ཡི་སྦྱོར་བ་ཡིས།།
180b5 རྗེ་འཁོར་ལོ་ཀུན་ཏུ་བྲི།། རྡོ་རྗེ་འཛིན་ཀུན་སློབ་དཔོན་གྱིས།། དཀྱིལ་འཁོར་འདིར་ནི་གཞུག་པར་བྱ།། བུ་དང་སློབ་མ་མིན་པ་ལ།། གསང་བའི་ཚོགས་ཆེན་སྦྱིན་མི་བྱ།། གཞན་དུ་སྐལ་བ་དང་ལྡན་པ།
180b6 གཞུང་འདི་ཁྱོད་ཀྱིས་ཅི་བདེར་བྱིན།། དེ་བཞིན་གཤེགས་པ་ཐམས་ཅད་ཀྱི་གསང་བའི་མདོ་སྡེའི་དབང་པོའི་རྒྱལ་པོ་ཤིན་ཏུ་གསང་བའི་རྣལ་འབྱོར་མཆོག་ཏུ་གསང་བ་རྟོག་པའི་རྒྱལ་པོ་ཆེན་པོ་རྡོ་རྗེ་རྩེ་མོ་ལས
180b7 རྡོ་རྗེ་རིགས་ཀྱི་དེ་ཁོ་ན་ཉིད་ཤིན་ཏུ་གསང་བའི་བཤད་པ་སྟེ་ལེའུ་བཞི་པ་རྫོགས་སོ།། ། དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་དང་བཅས་པས
iiif viewer powered by OpenSeadragon
