| e-texts navigator |
| Wylie |
99b1 ནིག་ཤིན་རྗེའི་འཁོར་མོ་སྡོམ་གྱི་ཚོགས་བྲིས་ལ། གནས་བདུན་གྱིས་ས་མ་ཧེ་དང་རྟ་བྱས་ཏེ། དེ་གཉིས་གཅིག་གི་སྟེང་དུ་གཅིག་བཞག་ལ། དེ་གཉིས་ཀྱི་སྙིང་ཁར་འཁོར་ལོ་བཅུག་སྟེ། ནིམ་པའི་ཤིང་དྲུང་དུ་གཞག
99b2 གོ་འཁོར་ལོའང་མ་ཧེ་དང་རྟའི་ཁྲག་གིས་བྲིས་ཏེ། འདི་ནི་སྔགས་ཀྱི་བྱེ་བྲག་སྟེ་ཤིན་ཏུ་མཉམ་པར་བཞག་པས་བྱས་ན་ཞག་གསུམ་གྱིས་འབྱེད་པར་བྱེད་དོ།། དེ་ནས་སྔགས་པས་བསླད་པར་འདོད་ན་གནས་བདུན།
99b3 གྱི་སྲས་རྔ་མོ་བྱས་ལ། དེའི་རྒྱབ་ཡི་གེ་ཡཾ་ཡོངས་སུ་གྱུར་པ་ལས་རླུང་གི་དཀྱིལ་འཁོར་ཟླ་བ་ཕྱེད་པའི་རྣམ་པ་དམིགས་ཏེ། དེའི་སྟེང་དུ་བསྒྲུབ་བྱ་དམིགས་ལ། དེའི་རྒྱབ་ཏུ་གཤིན་རྗེའི་གཟུགས་ལགས
99b4 པས་དབྱུག་པ་འཛིན་པར་དམིགས་ཏེ། དེའི་དབྱུག་པས་རྡེག་ཅིང་ཁ་ལྷོ་རུ་བལྟས་ནས་ཁྲིད་པའི་རྣམ་པར་བསམ་པར་བྱའོ།། འཁོར་ལོ་དེ་དེའི་སྙིང་ཁར་གོང་དུ་གསུངས་པའི་ཆོ་ག་ལས་བསྒྲུབ་བྱའི་མིང
99b5 དང་སྤེལ་བ་ཡང་དག་པར་བྲིས་ལ་བཅུག་ན་ཞག་བདུན་གྱིས་ཐེ་ཙོམ་མེད་པར་སྤྲོད་པར་འགྱུར་རོ།། དེ་ནས་གཞན་ཡང་རབ་ཏུ་སྦྱོར་བ་གསུངས་ཏེ། ཉི་མའི་ཚེས་གཏུམ་པོ་ཚ་བའི་མར་ལུས་བྱུགས་ལ་ནིང
99b6 པའི་ཤིང་ལ་འཛེགས་ནས། དེར་བཞག་ལ་དེའི་ལུས་ཀྱི་མར་ཁུ་ཉ་ཕྱིས་ཀྱིས་བཞར་ལ་དེར་གནས་པར་གཟུང་ངོ་།། མར་ཁུ་དེ་བླངས་ནས་ལྷ་ཆེན་པོའི་རྒྱལ་མཚན་གྱི་རས་བླངས་ལ་དེ་བསྲེགས་པའི་བར་གྱི་དུ
99b7 བའི་དྲེག་པ་དེ་དང་མར་ཁུ་དེ་གཅིག་ཏུ་བྱས་ལ་བསྐྲད་པར་འདོད་པ་དེའི་མཆིལ་ལྷམ་ལ་དེ་བསྐུའོ།། དེའི་ལག་པ་དང་རྐང་པ་གཉིས་ལའང་བྱུགས་ན་སྐད་ཅིག་གིས་དེ་སྐྲོད་དོ།། དེ་ནས་གཞན་ཡང་རབ་ཏུ་སྦྱོར
iiif viewer powered by OpenSeadragon
